مبدئياً الصور مش بتاعتى لأنى للأسف ما صورتش لكن دى أقرب صور لقيتها على النت شبه الطاجن بتاعى بالظبط تقريباً. بصى يا ستى صلى على النبى أنا هحاول أختصر بقدر الامكان هههههههههه.
أول حاجة تغسلى الفراخ كويس أوى بالملح والخل وتقطعى كل فرخة نصفين بالطول أو أربعة لو كبيرة شوية.
ولو هى كبيرة فى السن تديها ربع ساعة على النار مع البصل وفصين توم والليمون والملح والفلفل قبل ما تتحط فى الطاجن ولو مش كبيرة أوى عادى تتحط وهى نية وتتبل بنفس التوابل.
وبعدين تجيبى الفريك تكونى ناقعاه على الأقل ساعة وتصفيه وتحمريه فى الطاجن مع بصلة وملح فلفل وكارى وزعتر أو التوابل اللى بتحبيها وياسلام بقى لو قطعتى فيه الكبد والقوانص وكمان ممكن اضافة شوية بسلة وشوية جزر علشان يكون مكتمل القيمة الغذائية.
بعد كدة يتقلب حوالى ربع ساعة لغاية ما يبدأ يتحمر
وبعدين ترصى فوقيه الفراخ وتحطى مية لغاية ما يادوب تغطى نصف الفراخ
وآخر حاجة يدخل الفرن حوالى ساعة الا ربع لغاية ما تذوقى الفريك تلاقيه استوى واتفلفل وبقى طعمه جمييييييييييييل جداً لأنه بياخد من طعم الفراخ وتوابلها وبيستووا مع بعض.
وخلى بالك لو وش الفراخ ما اتحمرش كويس افتحى الشواية عشر دقائق هتلاقيه بقى تحفة. وبيبقى شكله فى التقديم يجنن.
وبالهنا والشفا مواضيع هذا القسم برعاية
بندق9 بندق9 351693_1.gif فتكات نشيطة Fatakat 351693 أسيوط – مصر