كل سنة وانتوا طيبين يا فتوكات
رمضان على الابواب :sFun_banana unripe:
وست البيت ياعينى هى اللى بتبقى محتارة تعمل اية ولة اية
وخصوصا طبعا لو عزمة حماها وحماتتتتتتتتتتتها
و ياعينى الست قاعدة مستنية كأنها مستنية نتيجة امتحان وعايزة تعرف الاكل عجب حماتها والضيوف ولة اية
بس انسى مع طاجن البامية بالعكاوى الكل حيشكر فيكى ويقولوا دى ست بيت بريمو
المقادير
نصف كيلو بامية متقمعة ومغسولة
نصف كيلو عكاوى ودى عبارة عن ديل الدبيحة علشان اللى ميعرفهاش
عصير طماطم
بصلة كبيرة مفرومة ناعم
5 فصوص توم مفروم
قرون شطة مقطعة
واحدتين فلفل رومى متقطع شرائح رفيعة
حبهان
ملح
فلفل
الطريقة
فى الاول علشان نتفق العكاوى بتبقى دسمة شوية فانا مبحطش زيت ولا سمنة ولا شوربة فى الطاجن انما اللى عايزة تحط براحتها
تجيبى الطاجن وتحطى كل المقادير على بعضها علشان انا بحب الاكل النىء فى نىء بس تخلى شرائح الفلفل الرومى من فوق علشان بتدى شكل حلو للطاجن اما يطلع من الفرن
وتحطى الطاجن فى الفرن يا قمر على درجة حرارة عالية لانة بحتاج سواء وافتحى علية كدا كل ربع ساعة ولو حاسيتى انة حينشف ضفية شوية مية او شوربة زى ما انتى عايزة لغاية ميستوى خالص
وتقدمية زى ما هو بالطاجن بتاعة متنقلهوش فى طبق تانى وشوفى بقى ضيوفك حيتجننوا من حلاوتة
وطبعا مش حوصيكم على الردود والتقييم وباااااااى باى مواضيع هذا القسم برعاية
ام جوجو العسولة ام جوجو العسولة 252376_1.gif برنسيسة فتكات Fatakat 252376 عايشة فى حلم ان جوجو تبطل ترجيع وجوزى ربنا يشفية – مصر