الله صلى وسلم على سيدنا محمد
مساء الهنا يافتوكاتى
عملت صينية قرنيط وحبيت اشارككم بيها
اولا نعصج اللحم
نفرم اللحم
ونحمر بصلة على النار ولما تاخد اللون الدهبي نضيف قطع الفلفل الاخضر
ونقلب تقلبيت
نضيف اللحمة المفرومة وملح وفلفل اسود
ونزودها ميه بسيط كل ماتحتاج حتى النضج
نتركها جانبا نجهز القرنبيط
نقطع القرنبيط ونغسله جيدا
ونديله غلوة فى ميه بملح وكمون
نعصر الطاطم فى الخلاط
فى حلة فاضية نحط الطاطم المعصورة وشوية فلفل اسود ومكعب مرقة ونسيبها لحد ماتتسبك خالص
نقطع القرنبيط وردات صغيرة
ونضيفها لصلصة الطاطم
هنلاقي القرنبيط نزل ميه نوطى عليه ونسيبه يشرب الميه دى كلها كويس
انتى متزوديهوش هو هينزل ميه ويشربها
نظبط الملح والفلفل الاسود
نجيب الصينية بتاعتنا
نحط طبقة قرنبيط
فوقيهم اللحمة المعصجة
وبعدين باقي القرنبيط
وندخلها الفرن
نولع من تحت تلت ساعة او لحد مالطروف تحمر
وبعدين نرفعها تتحمرتحت الشواية
نحط الصينية على الرف الاوسط
مهم انك تسيبه على النار يشرب ميته كويس اوى قبل ماتطيه فى الصينية
هنا الشكل لما خرج من الفرن
يومها بقي بالظروف تعبت ساعة الغدا ومعرفناش ناكل اد كدة واتبقي اكتر من نص الصينية
قومت شيلتها فى الفريرز
تانى يوم بقي صعبت عليا ارميها
اصلها نضيفه وطعمة وحرام ارمى الاكل
قومت طلعاتها ودفيتها على النار
وجهزت بشاميل بالطريقة بتاعتى هتلاقوه هنا بالتفصيل
https://fatakat.univanet.com/#4984928
وقومت جايبة قارب صغير
نحط معلقتين بشاميل وبعيدن القرنبيط وعلى الوش البشاميل بتاعنا
وندخلها الفرن
نولع من تحت شوية بسيطة وبعدين نرفعها الوش يتحمر
وادى شكله لما طلع والله جميل وعجب الكابير وعجب بنوتى الكبيرة اصلا بتحب اى حاجة فيها بشاميل
انتوا ممكن من الاول نعمله بالبشاميل كدة
نحط كمية قرنبيط وبعدين العصاج وعلى الوش بشاميل
القرنبيط المخلل بقي طعم جدا
هنا الطريقة بالتفصيل
#133
اتمنى موضوعى يكون عجبكم
مواضيع هذا القسم برعاية
جوزى وبناتى هما حياتى جوزى وبناتى هما حياتى 634537_16.gif فتكات ست الكل Fatakat 634537 الدور التانى ملحوظة:كنا فى الدور الرابع بس عشان السلم ومفيش اسانسير عزلنا للدور التانى☺ – مصر