ازيكم ياحبايبى .. يارب ديما بخير
عملت صينية بطاطس بالفراخ
وطلعت جميلة الحمد لله
انا بعملها كتير بس قولت المرة دى
اصور الطريقة واشاركم بيها
يارب تعجبكم
يلا نبتدى بسم الله
. بطاطس
( الكمية حسب الصينية اللى عندك )
. طماطمية
.بصلة متوسطة
. نصف فلفلة خضرا
4 معالق صلصة كبيرة
ملح وفلفل اسود وبابريكا
. هنضرب المكونات فى الكبة ونفرمها ناعم
. هنقطع البطاطس دواير متوسطة السمك
يعنى لا تبقى رفيعة اوى ولا تخينة اوى
عشان متتهريش وتستوى كويس
. هنقسم خلطة الطماطم والفلفل والبصل نصين
وناخد كل نص ونضيف ليه كوباية ماء
. نرص البطاطس فى الصينية
. وبعدين نضيف الخلطة زى كده
. نحط باقى الخلطة على الفراخ ونسبها شوية تشرب الخلطة
ياريت نسبها ساعة مثلا بس لو معندكيش وقت
حطى الخلطة على الفراخ وسيبيها شوية
عقبال ما ترصى البطاطس فالصينية
. وبعدين هنحط الفراخ على البطاطس بالشكل ده
انا بحب اسويها على البوتجاز شوية الاول
وبعدين ادخلها تكمل سواها فى الفرن
بغطيها بغطاء حلة واسويها فوق شوية
معرفش ليه بس بحس انها كده احلى
والبطاطس بتستوى اسرع كمان
بس لو عايزة تعمليها فى الفرن
غطيها بورق فويل
وده شكلها بعد ما استوت وطبعا ولعت عليها الشواية شوية
وده طبق لاحلى فتوكات
بجد كانت جميلة آوى
حتى جوزى قالى احلى مرة
تعملى فيها بطاطس
ان شاء الله تجربوها وتعجبكم ياقمرات
متنسوش التقييم وردودكم الحلوة
ودعوة لاختكم بظهر الغيب
ان ربنا يكرمنى بالحمل السليم
وكل مشتاقة للاطفال يارب
مع السلامة ياحلوين
اختكم نونة
مواضيع هذا القسم برعاية
Just Smile Just Smile 488930_572.gif آم ليلــى القمرآية ♥ Fatakat 488930 يارب باركلى فى زوجى وبنوتى واحفظهم من كل شر اللهم انى استودعك اياهم ♥ – فـ رحمه ربنا الواسعه وفضله ونعمته عليا ~ الحمد لله رب العالمين