السلام عليكم ورحمة الله وبركاته
مساء الفل والعسل على حبايب قلبي
يا رب تكونوا كلكم بخير وتكون السنة ده سعيدة على الكل ويا رب يحققلكوا فيها كل اللي بتتمنوه وأكتر
عملتلكوا بأة صينية فراخ بالبطاطس…بجد لو عملتوها هتدعولي بإذن الله وهتعتمدوها عندكم على طول
ندخل بأة على الطريقة
قبل أي حاجة طبعا…أول ما تدخلي المطبخ هتسمي الله…وبعدين تشغلي الفرن على طول على درجة حرارة 200 عشان الفراخ تستوي أسرع وتاخد لون جميل
وتبدأي الشغل اللزيز
ندخل بأة في المقادير
المقادير….أنا عملت مقادير ل5 أشخاص…يعني على حسب عدد أفراد الأسرة ومقاس الصينية اللي هتعملي فيها
المقادير هي:
فرخة كاملة متقطعة…أو على حسب عدد أفراد الأسرة
7 طماطم متوسطة الحجم…هناخد جزء للعصير وجزء للقاعدة او الفرش بتاع الصينية وهيبان في الصور بعدين
3 بطاطس
3 بصلات….هناخد منها واحدة بس هنضيفها على عصير الطماطم
4 توم حجمه متوسط مش كبير
2فلفل….محطوط في الصور تلاتة بس انا احتاجت اتنين بس
ده شكل المقادير
أول حاجة هنبتدي بعصير الطماطم
هناخد 5طماطميات و4 فصوص توم والبصلة وهنحطهم كلهم في الخلاط مع شوية ملح وفلفل حسب الرغبة وشوية بهارات…لو مش بتحبي تضيفي بهارات أو مش عندك خلاص مش مهم
وهنحط معاهم معلقتين كبار صلصة طماطم أنا ما كانش عندي فاستغنيت عنها….ونزود عليهم شوية مية بحيث إنها تبأة مغطية كل الحاجات ده بس مش للآخر يعني…زي الصورة كده…ده قصدي
كده خلصنا الصلصة
وده شكلها
نيجي بأة للقاعدة بتاعة الصينية او الفرش بتاع الصينية…اللي هو البطاطس والطماطمتين والفلفلتين والبصلتين…هنقطع كل حاجة من دول شرايح زي الصورة كده
وبعدين نحطهم بالترتيب ده
أول حاجة….البطاطس وبعدين فوقها البصل وبعدين الفلفل وآخر حاجة الطماطم…زي ما هو باين في الصورة
نحط فوق القاعدة ده الفراخ وبيبأة أحلى كتير طبعا لما بتكون متقطعة كده…ولو الورك كمان متقسم لنصين والصدر متقسم كمان بيبأة أحلى وأحلى…هنحاول نعمل فتحات بالسكينة في الفراخ( تغزيها يعني) …طلعي غلك فيها
..عشان تاخد من الصوص الطعم أكتر وأكتر…ومكن تشرحيها براحتك
وبعدين نصب فوق كل الحاجات ده صوص الطماطم وحاولي لما تصبي الصوص كله تزحزحي الفراخ وتخليه ينزل على البطاطس كويس…يعني يغطي كل حتة في الصينية وطبعا لازم يبأة مغطي الفراخ…وتدخليه على فرن 200 درجة لحد ما يستوي وبالف هنا وشفا ويا رب تعجبكم…وطبعا هتتقدم مع الرز بالشعيرية
ده شكلها بعد ما خرجت من الفرن وحمرت وشها بزيادة تحت الشواية
كمان صوووووووووووووووووورة عشان الحبايب
زووووووووووووووووووووووووووووووووووووووووووووووووو ووووم أكتر
وبألف هنا وشفا…
ويارب تكون عجبتكم ومستنية آرائكم العسل اللي زيكم مواضيع هذا القسم برعاية
غدودة 2024 غدودة 2024 105616_5.gif سوبر فتكات Fatakat 105616 طنطا – مصر