جبتلكوا النهارده صينية البطاطس المحشيه هي بتاخد شوية وقت ومجهود بس والله الطعم أممممممممم يجنن 00 مش هطول عليكوا وهقولكوا الطريقه بدون مقادير علشان دي علي حسب عدد الافراد .
– تجيبي بطاطس حباتها تكون صغيرة وتقوريها بالشكل ده .
– لحد ما تخلص معاكي الكميه كلها وما ترميش قلب البطاطس اللي خرج منها احتفظي بيه مع البطاطس في طبق فيه ماء.
– خدي البطاطس المقوره وحمريها عادي زي ما بتحمري البطاطس الصوابع وخرجيها علي ورق علشان تشرب الزيت منها .
– حمري بصله في الصينيه اللي هتقدمي فيها وخدي البطاطس اللي خرجت من القلب حطيها علي البصل المحمر وشوحيهم شويه لحد ما البطاطس تدبل .
– حطي عليها ماء علشان تستوي وبعدين الطماطم وصلصة الطماطم ومعاها مكعب مرقه " ولو حبيتي تعمليها بالشوربه براحتك " وسيبيهم يغلوا مع بعض لحد ما البطاطس تدخل في السوي .
– تجهزي اللحمه المعصجه ودي عبارة عن : بصله كبيرة محمرة في شوية زيت ذرة ولما تحمر تحطي اللحمه المفرومه وتقلبيها وتحطيلها شوية مويه بشويه ماء لما تتشرب لحد ما تستوي وبعدين تحطي عليها شوية ملح وفلفل وبهارات وزعتر وبعدين قطعي عليها شوية خضره " شبت وبقدونس وكسبره خضره " وقلبيهم كويس .
– احشي البطاطس باللحمه المفرومه .
– وبعدين خدي جزء من اللحمه المفرومه وحطيه علي صينية البطاطس .
– ولما يغلوا رصي حبات البطاطس وحطي شويه من الصوص الموجود عليها .
– وسيبيهم يكملوا سوي علي النار مع تغطية الصينيه بصينيه اخري علشان تستوي بسرعه " وهي عمتاً مش هتاخد كتير علي النار علشان تقريبا كل حاجه مستويه لوحدها " وبعدين دخليها الشوايه علشان تتحمر بس من فوق وهتبقي بالشكل ده .
ماشاءالله متحمره وشكلها أممممم 00 ولا طعمها أمممممممممممممم .
وتقدم مع الرز الابيض .
منقول
مواضيع هذا القسم برعاية
tota_M_egypt tota_M_egypt 362336_9.gif فتكات متميزة Fatakat 362336 القاهرة – مصر