السلام عليكم
النهارده نويت ابتدى دايت لانى زدت فى الفتره الاخيره بعد ولاده ابنى وده موضوع عايزه صحبه فيه وتشجيع على الدايت اللى بيرضعوا زى
المهم ندخل فى المقادير بتاعه اكلنا
صنيه لحمه بفتيك…… هنحتاج نص كيلو لحمه بفتيك وسط متبل لعده ساعات بالفلفل والبهارات والليمون والمستطرده والصويا صوص "مفيش ملح وده سر من اسرار سوا اللحنه سواء صنيه او اسكالوب متضفيش الملح على التتبيله ولكن يضاف على البيض والبقسماط قبل القليه او فى اخر ربع ساعه من السوا لو صنيه"
نحط اللحمه فى الصنيه تتشوح وتنزل ميتها بدون اى ماده دهنيه لحد ما توصل للون البنى الحلو ننزل عليها ببصله شرائح ونقلب تقلبتين وبعدين ننزل بالميه المغليه و نغطى الصنيه لحد ما تستوى وهيبقى شكلها كده ان شاء الله
الارز بالباشمل
المقادير ….. حوالى كوبايه ارز مستوى ممكن يكون بايت من امبارح او مسلوق
اى بواقى فراخ عندك مسلوقه او مشويه او صنيه اى حاجه
بسله وجزر مسلوقين
نشوح الفراح من غير اى مواد دهنيه فى طاسه تيفال ونملحها ونبهرها كويس ….. ثم نضيف البسله والجزر المسلوقين
البشامل …. المقادير لتر لبن خالى الدسم او قليل الدسم
3 م ك دقيق – ملح -فلفل-بودره مرقه دجاج اى منكهات تحبيه
يتم خلط اللبن والدقيق المنكهه على البارد بالمضرب اليدوى ثم يرفع على النار مع التقلييب حتى يكون بشامل
و ادى صوره المكونات بتاعه الارز بالبشامل
مع ملاحظه وضع طبقه بشامل فى القاع علشان متلزقش
نخلط الارز اوالفراخ والخضار ثم نضيف مقدار من البشامل ونضعه فى الصنيه
ثم نضع طبقه وفيره من البامل على الوجه و نضرب بيضه ونضعها على الوجه
على الفرن
و ده شكلها بعد ما استوت
وبالهنا والشفا مع طبق سلطه خضرا
يا ريت تدعولى اخس و ربنا يشفينى من الغده مواضيع هذا القسم برعاية
coffee coffee فتكات رائعة Fatakat 136791 مدينتي – مملكتي