السلام عليكم ورحمة الله وبركاته
ازيكوا يافتوكات
دي اول مشاركة لي هنا وياارب تعجبكوا
الوصفة دي على طريقة حماتي وزوجي بقى يطلبها من كل اسبوع
وممكن تبقى في الفطار او الغدا وممكن تبقى عشاء كمان
يعني ممكن تقولوا تلاته في واحد هههههههه
مش هطول عليكوا بس الكمية مش هقدر احددها لانها حسب كل اسرة وعددها
اولا:المقادير
بطاطس_ لحمة مفرومة_بصل_زبدة او سمن_بيض_بقسماط مطحون_ملح وفلفل
ثانيا:الطريقة
*اول حاجه طبعا بنقشر البطاطس ونسلقها في ميه
وفي الوقت دة نحضر اللحمه
*في حله نسخن زبدة او سمن واتوصي شوية في الكمية لانها مهمه في الوصفه وتبشري البصلة وتشوحيها وتحطي اللحمة وتقلبي لحد ماتستوي وطبعا تضبطي الملح والفلفل
*نحضر البيض في طبق ونحط عليه فلفل ونضربة بالشوكه وكمية البيض حسب كمية البطاطس يعني لو صنية متوسطة بتكون تقريبا بيضتين
*لما البطاطس تستوي نصفيها ونهرسها كويس ونتبلها بالملح ونضيف عليها الزبدة او السمن اللي في اللحمه(علشان كدة كمية الزبدة تبقى كتير شوية) ونقلب كويس وبعدها نضيف البيض المضروب ونقلب كويس لحد ما البطاطس تشرب البيض
*نحضر الصينية ونرش فيها شوية بقسماط نفرد نصف كمية البطاطس وبعدها نفرد طبقة من اللحمة المفرومه وبعدين نفرد النص التاني من البطاطس
*نرش بقسماط على الوش ونحط حتة زبدة
*ونحطها في فرن على حرارة 200 لحد ما نلاقي الوش احمر
وبالهنا والشفا
وياريت تقلولي رأيكوا وطبعا التقييم مواضيع هذا القسم برعاية
يارب صحبة صالحة يارب صحبة صالحة فتكات نشيطة Fatakat 397572 القاهرة – مصر