السلام عليكم ياحبايبى
النهارده جايبالكم صنيه الكفته بالخضار حلوة ومسكره هتعجبكوا اوى انشالله
من غير مقادير وتعقيد هاتى ربع مفروم وجهزيه كأنه كفته بأى تتبيله تحبيها انا عملتها ببصله مفرومة ونص حزمة بقدونس وكبشة برغل منقوع وع الكبه مع بهاراتك اياها
يلا الصور هتوضح
هاتى كل خضارك اللى ف التلاجه انا جبت"فلفل الوان – شطة خضرا وحمرا – طماطم وبصله وطماطم "وبطاطستين مكعبات يادوب واخده ربع تسويه ف الزيت
وهاتى صنيتك ورصى تلات اربع الخضار ف الصنيه مع رشة زيت وشوية بهارات لحمه ومكعب مرقه لحمه فتفتيه كده بصوابعك اللوز دول
وصبعى كفتتك ورصيها كده رصة تمام على وش الخضار
وحطى على وش الكفته باقى الخضار الى فاضل متخليهوش يعيط بعيد عن اخواته ورشى ع الوش رشه بهارات كده من اديكى الحلوين وعلى الفرن يامزة منك ليها فرن متوسط حوالى نص ساعه وبعدين الشوايه خمس دقايق وولعى فحمايه صغننه وطشيها ف الصنيه اول متطلعيها
وجمبها مخلل وسلطة طحينه وبس عايزة تعمليها جمب رز او مكرونة مش مشكله براحتك خالص احنا هنخسر بعض يعنى عشان شوية رز ومكرونة بس احنا كلناها مع عيش وطحينه وخلاص
يارب يكون الاكل عجبكم
صلوا بقى ع النبى خمس مرات بس هياخدوا دقيقتين ربنا يحشرنا مع الحبيب يااااارب
استودعكم الله يابقاليظ
والى اللقاء ف الطبق القادم
مواضيع هذا القسم برعاية
حسبي الله وكفا حسبي الله وكفا 966134_4.gif فتكات هايلة Fatakat 966134 في بيت زوجي – في بيتي زوجي