حبايبى الفتوكات وحشتوووووووووووووونى قوووووووووووى
النهاردة ان شاء الله هقولكوا على طريقة صنية مع السمك مع البطاطسفى الفرن بجد رووووووووووووعة
اتمنى انها تعجبكوا
بسم الله نبدا :
المقادير:
كيلوا سمك بلطى ننضفة طبعا كويس ونعمل فية شقوق ونعصر علية لمونتين
وندخلة التلاجة علشان نحضر باقى المكونات
الخضار بتاعنا عبارة عن جزرة مبشورة
بطاطس وطماطم بصلة شرائح
خضرة مقطعة
وخلطة تتبيل السمك
نصف راس توم
كسبرة ناشفة
شطة
كمون
ملح
فلفل
ندعك البصل الشرائح بتبيلة السمك وبعد كدة نحط
عليها الخضرة ما عدا البطاطس
نحشى السمك بالخلطة دى كويس ونقفل كل واحدة بخلة خشب علشان الحشوة ما تتطلعش
نرص البطاطس فى الصنية بتاعتنا ونرش عليها شوية ملح ونحط عليها باقى الخلطة
وشوية زيت درة
نرص السمك فوق البطاطس ومنحطش اى خضار فوق السمك علشان يحتفظ بطعمة
نغطية بورق المونيوم على درجة حرارة فوق المتوسط
ودا بعد نصف ساعة هينزل ميتة واوعى تحطى مية لان الخضار هينزل مية والسمك هينزل كمان
ودا بعد ما استوى واتحمر من فوق
وادى شكلة فى طبق التقديم جربوة هيعجبكم قوووووووووووى
ثانيا رز السمك
نحمر بصلة فى الزيت لحد ما لونها يبقى بنى
ورز السمك بيتعمل بزيت درة فقط
نحط الرز مع بهارتنا الى هى ملح وفلفل وقليل من الكمون وشطة
وقليل من الكركم وقليل من الكسبرة
التوابل دى رووووووووووعة بتدى للرز طعم تانى
ونقلب الرز كويس لحد مايسخن قوووووى وننزل علية بالماء المغلى طبعا مقدار الرز هو مقدار الماء
وادى شكلة طبعا هنسوية بالطريقة العادية
وادى شكلة النهائى والتوابل عاملة شغل جامد قوووووووووى
جربوة هيعجبكم
وادى السمك تانى والله ياجماعة اكلة جميلة جدا
واخيرا وليس اخرا بحبكم فى اللة
ومستنية ردودكم وتعليقاتكم على موضوعى ولا اسئلكم سوى الدعاء لى ولبناتى بالستر فى الدنيا والاخرة
مواضيع هذا القسم برعاية
kokoxx91 kokoxx91 448136_3.gif فتكات ست الكل Fatakat 448136 القاهرة – مصر