بسم الله الرحمن الرحيم
انا قررت اعمل صفحة خاصة لكل البنات اللي موش عارفة تنضم لجروبات
طبعا انا عانيت من كوني احاول اشترك في جروب والاقيه مكتفي عشان كدا قررت اني اعمل صفحة خاصة بيه وياريت الاقي صحبة جميلة تشجعني واشجعها ..
اولا الهدف هنا هيكون اننا نوصل للخمسين كيلوا موش ااقل من كدا ولا اكتر
واللي عيزة تنضم لينا يا الف مليون مرحب
هنزل كل يوم جمعة الرجيم اللي هنمشي عليه
بمعنى اننا هنبدأ يوم السبت وهنوزن يوم الجمعة وناخد فري الجمعة كمان ونبدأ في النظام الجديد من السبت وهكذا ..
طبعا كل الانظمة اللي هنزلها هتكون سعرات حرارية موش كيميائي لاني جربت الكيميائي لقيت ان اللي بنزلة بسرعة برجعة أسرع دا غير الاحباط والاكتئاب والعصبية اللي بكون فيهم اثناء الدايت ..
طبعا انا جربت كل الانظمة تقريبا ..وتوصلت لنجاح نظام السعرات فعلا..
عشان كدا هنمشي عليه ..
___________
اولا اعرفك بنفسي
اسمي ميرو
عمري 29 سنة
وزني السابق قبل الحمل 73
وزني في اخر الحمل 83
وزني بعد الولادة 75
ودا كان من 6 شهور
وعملت دايت مع نفسي وحاليا انا 65 كيلوا
وهدفي اني انزل لل50 كيلوا لان طولي 151
دي بياناتي الشخصية
_________
المطلوب من اللي هيشتركوا معايا مهما كان وزنهم
ان يكون هدفهم بجد يوصلوا للخمسين حتى ولو كانوا 100 كيلوا
مطلوب الجدية
هتدخلي كل يوم تكتبي يومياتك مع الدايت مثال :
الافطار
الغداء
العشاء
وطبعا مننساش الشاي الاخضر
هنكتب اسماء اللي هيكونوا معايا ولو مكنش في حد هكتب اسمي
وطبعا ان شاء الله هنزل الدايت يوم الجمعة6/1/2016 وهنبتدي يوم السبت 7/1/2016
وطبعا ان سبت الايام دي عشان نستعد فيهم وادي فرصة للي عيزة تشترك معانا وتوصل للخمسين كيلوا ..سلام
محبه للحبيب محبه للحبيب images/avatars/moon.jpg فتكات نشيطة Fatakat 259217 الاسكندرية – مصر