ازيكم يا فتوكات
النهاردة جايبة لكم طريقة صدور فراخ محشية بس الفراخ متبلة بتتبيلة هندي
المقادير
اولا التوابل حضري التوابل دي بكميات متساوية يعني معلقة صغيرة من كل شيء واخلطيهم كويس طبعا ممكن يتبقى منهم مش شرط تستخدميهم كلهم
شمر – زنجبيل – كزبرة ناشفة – كمون – كاري – فلفل اسمر – قرفة ( مسمار )
قرنفل – ثوم بودرة – حبهان ( حب هيل ) – ورق لورا ( ورق الغار )
شطة حمرا ( وممكن تقللي منها او تشليها لو مش بتحبي الشطة )
5 قطع صدور دجاج مخلية
حوالي 400 جرام كبد فراخ
كوب ونص رز مصري
4 بصلات
معلقة كبيرة حمص شام مسلوق
علبة زبادي
ليمون
زبدة
ملح
الطريقة
هاتي كل التوابل الموجودة واخلطيهم واطحنيهم على بعض كويس
خدي جزء من التوابل اللي انتي حضرتيها
وحطي عليهم عبلة الزبادي والحمص والليمون وبصلة و ملح واضربيهم في الخلاط وحطيهم على الفراخ وسبيهم منقوعين فيها على الاقل ساعتين ثلاثة
تحضير الحشوة
انشلي الفراخ من التتبيلة بتاعتها ( وممكن تشطفي الفراخ بميه بسيط علشان لما تتحشي ميبقاش فيها زوايد من الزبادي تتحرق بسرعة ساعة التحمير)
ومترميش خلطة الزبادي اللي الفراخ كانت متبلة فيها
هاتي بصلتين ودبليهم في الزبدة على النار وحطي عليهم كبد الفراخ وشوحيهم كويس
وحطي عليهم الرز ولفيهم لفتين وبعدين حطي عليهم خليط الزبادي اللي كانت الفراخ منقوعة فيه
مع شوية ميه وتوابل من اللي انتي حضرتيها فوق
وخلي الرز يستوي تلات ارباع سواء يعني بعد ما يشرب ميته سبيه عالهادي خمس دقايق
كده انتي جهزتي الحشوة نبتدي نحشي بقى
هاتي صدور الفراخ وافتحيها من النص زي كده ….
وحطي الحشوة فيها …..
واقفليها علي بعضها بدون خلة او خيط
حطيها في ورق الفويل ولفيها كويس
ولما تخلصي لف الفراخ هاتي خلة واعملي في كل لفة اربع اخرام علشان تستوي وكمان تشرب من التوابل
اغلي ميه طبعا وحطي فيها جزء من التوابل اللي انتي محضراها مع بصلة وملح وبعدين حطي فيها لفافات الفراخ حوالي نص ساعة وبعدين انشليهم وافتحيها بالراحة ومش هتلاقيها خرجت حبة رز واحدة
خديها حمريها في زبدة او زيت حسب الرغبة
وطبعا الرز الباقي من الحشوة خليه يكمل سواه عادي
واتفضلوا بالهنا والشفا ويارب تعجبكم ومتنسوش التقييم
مواضيع هذا القسم برعاية
breity breity 489124_4.gif فتكات هايلة Fatakat 489124 الرياض – السعودية