ازيكم ياحبيباتى منورين
اولا
صاحبة الموضوع
جوزى وبناتى هما حياااااتى
احب اشكر عضوات الجروب واقولهم
وانا مقدرة جدا مجهودكم معايا ياحبايبي
حبيتى ام منه شكرا جزيلا
على تعبك معايا فى الجروب…♥
اسامى فريقين الجروب
فريق الفراشات
نوران
ام جنى ومريم
ام عمر المسلمة
جنة20172
نافورة
فريق الطامحين
بقيادة ام منه
الزهرة المتالقة
ام ابى
جوهرة
ريحانة
وسفيرة السعادة
♥♥♥
اقدم هذا الموضوع المبسط لشرح نظام اللقيمات
وعلى فكرة ده مش مجهودى الشخصى
ده مجهود الجروب كله
جعلنا الله سببا فى تخسيس الفتوكات
اولا كدة لازم تحطى فى دماغك انك بتتبعى سنة النبى عليه افضل الصلاة والسلام
وبكدة ان شاء الله هاتاخدى الثواب
مفهموم اللقيمات هو
يعتبر نظام حياة على فكرة اكتر من انه يبقي رجيم
لانك لما بتمشي عليه فترة بتلاقى نفسك معدتك صغرت ومعتيش تقدرى تزودى عن الكمية اللى انتى حددتيها لنفسك تمام
دلوقتى بقي نبتدى الشرح
اللقيمات باختصار ميهتمش بنوعية الالكل الاهم الكمية
بمعنى ايه
انك بتاكلى كل اللى نفسك فيه وبكدة مبتحسيش بالحرمان زى بقية الرجيمات
ازى بقي نطبق اللقيمات ده
هو اليوم عبارة عن ايه
5لقيمات وليكى وجبة مفربحة اللى هى الهابي ميل ده الاساسى
انما فيه يبقي ليكى 7لقيمات فى اليوم وتستغنى عن الوجبة المفرحة
امثلة لقيمات مثلا
اى ثمرة فاكهة او خضار تعتبر لقيمة
مثل
تفاحه – موزه- برتقاله – خياريه – جزر
ولو ثمره نوعها صغير زى العنب مثلا تبقا حوالى ¾ كوب منها
او
ربع رغيف بجبنه – قطعه بيتزا بحجم تلت الكف – قطعه كيك بحجم تلت الكف – او كرواسو – قرص – كعب غزال (يعنى اى حاجه بحجم تلت الكف )
مسموح ليكى تجمعى مع كل لقيمة نص كوب عصير
بس فى الحالة دى هاتقلل السكر ل3معالق بس يوميا
طيب بالنسبة للمشروبات؟
اى كوب بيكون لقيمه
يعنى
كوب نسكافيه –كوب عصير – كوب شاى – كوب لبن
اى كوب لاى مشروب يعتبى لقيمه
طالما بلبن او بسكر
بمعنى انه اى مشروب من غير سكر خالص ومن غير لبن لاعادى ميعتبرش لقيمة
طيب الحلويات والشيكولاتات مسموح طبعا
كدة تقريبا فهمنا اللقيمة دى عبارة عن ايه
اى حاجة نفسك فيها بكمية متعديش تلت الكف
الهابى ميل عباره عن 3 حاجات
1) طبق سلطه متوسط (وعليه معلقه زيت زيتون)حسب الرغبة
2)طبق يحتوى على الاكل العادى اللى انتى طبخاه قسميه 3 اجزاء
اول جزء 5 معالق نشويات (ارز او مكرونه او بطاطس او ربع رغيف عيش)
تانى جزء قطعه بروتين بحجم تلت الكف (ربع فرخه صغيره من غير جلد – او قطعتين لحم احمر – او سمكه – او 2 بيضه)
تالت جزء لو موجود خضار مطبوخ مثلا (فاصوليا خضرا – ملوخيه – سبانخ …..) وخليهم معلقتين بس
3) طبق يحتوى على قطعه حلويات بحجم علبه الكبريت يعنى مكعب شوكولاته _قطعه جلاش صغننه- ساعات كنت باخد معلقه صغيره شوكولاته نوتيلا
لحد دلوقتى فهمنا اللقيمة والوجبة المفرحة
انصح بقي انك اول ماتقومى تشربي كوبايتين ميه على الريق
وطبعا قبل كل لقيمة كوبايتين ميه
وممكن بقي بندخل الفول السودانى واللوز عشان ننشط مركز الشبع بيقي ازى
تاخدى كوباتين ميه وبعدين اللقيمة وبعدين 5حبات فول سودانى او 3لوزات ومتشربيش بعدهم ميه خالص عشان تنشط نقطة الهاشمى للشبع
انا عن نفسي مبحبش الفول السودانى ولاالوزو وعادى مكنتش باخدهم عادى مياثر يعنى
اسئله مهمه
شرب المايه بيكون امتى؟
قبل اللقيمات او قبل اكل اللوز قبل الوجبه المفرحه
وبعد اللقيمه او الهابى ميل بنص ساعه على الاقل مش قبل كده
يعنى مفيش مايه فى وسط الاكل او بعد الاكل مباشره
والسبب ان الاكل الصلب بيفضل فى المعده فتره طويله وبتحسي بالشبع فتره اطول لكن لو شربتى مايه فى وسط او بعد الاكل هيكون الطعام فى المعده اتحول لشبه سائل بالتالى مش هيبقى فى المعده فتره طويله وبالتالى فتره الشبع هتقل
معاد الهابى ميل ممكن يكون بليل ؟
مفيش اى مشكله فى معاد الهابى ميل
لحد 8-9 بالليل
ممكن نستبدل اللوز او السودانى باى مكسرات او اكل تانى ؟
لا اللوز او السودانى بس فقط لا غير مينفعش اى حاجه تحل محلهم (فى ايام مكنش بيكون عندى ولا لوز ولا سودانى فمكنتش باخد حاجه قبل الهابى ميل بشرب مايه وبس}
ايه هى البنفسجيات وايه فايدتها ؟
البنفسجيات هى انواع من الفاكهه والخضار زى:
الفراوله – الكرنب البنفسجى – الاراصيا – الرمان – التوت – الزبيب الغامق – البادنجان – العنب الاسود – الكريز
ودى ضروريه لفقدان الوزن ولازم تكترو منها وتاخدو منها لقيمات وده كلام نقلا عن الدكتور محمد الهاشمى عليكِ كثرة تناول اللقيمات من الأنواع التي تحتوى على مادة ( الانثو سيانين )، لأنها من أقوى مضادات الأكسدة، مشيراً إلى أنه إذا كان تلوث البيئة عامل أساسي في ضمور الدهون البنية فإن تنشيطها سيكون باستخدام مضادات الأكسدة
والدهون البنيه دى بتساعد على زياده معدل الحرق وهى بقل نتيجه التلوث واللى بيزودها البنفسجيات دى
ايه لازمه الحلويات فى الوجبه المفرحه ؟ وهل ممكن الاستغناء عنها عشان نخس بسرعه؟
الحلوى فى الوجبه المفرحه تشعر العقل بالسعاده والنشوة وبالتالى العقل هيشتغل بشكل جيد جدا وكمان هيعمل على ارسال اشارات لحرق الدهون لانك بتحققيله رغباته (خلو بالكو يا فتوكات جسمكم زكى جدا ولازم تفهمه طلباته وتحققيها عشان يبدا ينفذ اللى انتى عاوزاه مينفعش تحرميه وتعيشيه فى مجاعه هيرفض رغباتك فى انك تخسي مش هيسمعلك اتعاملى معاه انو فاهمك وانتى افهميه مش بتسمعو بنات بتقول بعمل ريجيم بقالى شهر وحارمه نفسي من الاكل وجيت اوزن نفسي لاقيتنى ثابته ؟؟ لان الجسم بيعند وبيجاف من المجاعه اللى انتى حطتيه فيها وبالتالى بخزن اى جرام دهون بيدخلوو)
هل المشروبات بدون سكر تعتبر لقيمه؟ وكام معلقه سكر مسموح بيها فى اليوم؟
لا المشروبات بدون سكر او لبن متعتبرش لقيمه يعنى يانسون بدون سكر شاى بدون سكر نسكافيه بلاك بدون سكر كل ده ميعتبرش لقيمه
امتى المشروب بيكون لقيمه لما تحطه عليه سكر او لبن او طبعا العصاير
وليكى فى اليوم 5 معالق سكر توزعيهم زى مانتى عاوزه
ايه اخبار المكرونه بشاميل والمحشي والبيتزا فى الوجبه المفرحه
مكرونه بالبشاميلقطعه واحده مربعه اد تلتين الكف كده ومعاها سلطه
واليبتزا شريحه واحده بردو معاها سلطه
والمحشى 5 صوابع على انهم النشويات ومعاهم قطعه دجاج مثلا وسلطه
استنوا رايحين فين
اناا كدة خلصت الجزء اللى عندى لسه مجهود واضافات العضوات الجروب الحلوين
فضلا ليس امرا لو عجبكم الموضوع قيموا
تقدريرا لتعبى انا والعضوات حبايبي
بحبكم فى الله
ام منه ومروان ام منه ومروان 432374_5.gif سوبر فتكات Fatakat 432374 الجيزه – القاهره