السلام عليكم و رحمة الله و بركاته
بصوا يابنات تعالوا افضفض معاكم شوية
( معذرة يابنات انا مش بأحب أذكر طولي و وزني علي العام بأحسها حاجة شخصية )
انا قبل الجواز وزني كان مثالي بزيادة لكن طبعا الحمل و الولادة ظبطوا الدنيا كتير كتير و بعد سنة تقريبا من ولادة ابني الأول لاقيت نفسي طالعة سلم و مافيش نزول
كل شهر اوزن نفسي لازم الاقي 2 أو 3 ك زيادة و خصوصا اني كنت عايزة اتعلم الطبخ و الحلويات و كان عندي هوس مطبخ و كله صب في جسمي
اعاااااااااااا
قولــــــــت Stop
Ѽ و الحمد لله انا من النوع اللي بيحط قدامه هـــــدف الحمد لله بيكون عندي اصرار علي وصـــوله و بأفضـــل النتـــــايج ѽ
جوزي ديما كان يقولي اتبعي اي ريجيم موجود علي النت قولت لأ
لازم دكتورة تغذية
و روحت لدكتورة تغذية و مشيت معاها فترة بسيطة جدآآ لا تتعدي اسبوعين عرفت تقريبا كل حاجة عايزة اعرفها و كملت مع نفسي
◄◄◄ نصيحة لو عندكِ مشكلة صحية معينة او بترضعـــي و عايزة تخســــي طبعا و أكيد لازم تتابعي مع دكتور متخصص
غير كده و الله فلوس علي الفاضي
ده يابنات نظام ريجيم خدته من دكتورة تغذية هنا في الامارات و الحمد لله الحمد لله خسيت 22 ك تخيلوا في كــام شهر
؟؟
؟؟
؟؟
؟؟
؟؟
؟؟
؟؟
☺ في تلاتة شهور بس فقط لا غير ☺
طبعا مستغربين وزن كتير و في فترة قياسية
تعرفوا ليه نزلت جامد كده
♪ ان معظم الوزن الزائد كان ســـــــوائل مش دهـــــــــون
♪ الريــــــــاضة روحت جيم و كنت حريصة جدآآ علي الايروبكس و كنت ادخل علي اليوتيوب و أعمل تمارين
لدرجة ان مدربة الايروبكس من كتر اتقاني للحركات خليتني اشتغل معاها و بالفعل كنت بأدرب البنات
يااااااااه مستمتعة و انا بأفتكر الذكريات ديه
♪ اصــــــــراري كان فعلا عندي اصـــــــرار غريب لدرجة ان جوزي كان ساعات مش بيرضي يوصلني للجيم كنت اسوق انا العربية و اروح مع اني مش معايا رخصة وكنت خايفة و خصوصا ان هنا في الامارات
System is System
نبدأ الكــــــــلام العملـــــــــــــي
♥ نظام الريـجيم اللي خسيت عليه 22 ك خـــلال 3 شهور ♥
◄◄◄وجبـــــــة الأفطـــــــار
2 قطعة جبن ( قليلة الدسم ) أو 2 شريحة مرتديلا ( قليلة الدسم ) أو قطعة جبن و شريحة مرتديلا + 2 شريحة توست + كوب حليب قليل الدسم أو علبة روب قليلة الدسم .
المرتديلا اللنشون بس هنا بيقولوا عليه كده
الروب يعني الزبادي
◄◄◄ Snack
وجبـــــة سريعــــــة بين الافطــــار و الغـــداء
شريحة توست+ قطعة جبن قليلة الدسم أو شريحة مرتديلا + كوب حليب قليل الدسم أوكوب روب قليل الدسم + أي كمية سلطة خضرا.
◄◄◄الغـــــــــــداء
سلطة (خيار و طماطم و بصل و جرجير و خس ) أي كمية طول اليوم +2/3 كوب رز أو 2/3 كوب مكرونة أو كوب بطاطس مسلوقة أو شريحة توست + جزء من ساق أو صدر الدجاج بعد نزع الجلد أو سمكة متوسطة الحجم أو 2 قطعة لحم أحمر بدون دهن + زيت زيتون للطبخ + قطعة فاكهة واحدة أو 1/3 كوب عصير فاكهة طازج
◄◄◄ وجبـــــــة سريعــــة بين الغــــداء و العشــــاء
شريحة توست+ كوب حليب أو روب منزوع الدسم .
◄◄◄ العشـــــــــاء
2نفس نظام الأفطــــار
قطعة جبن ( قليلة الدسم ) أو 2 شريحة مرتديلا ( قليلة الدسم ) أو قطعة جبن و شريحة مرتديلا + 2 شريحة توست + كوب حليب قليل الدسم أو علبة روب قليلة الدسم
♦♦ الممنوعــــــــــات
السمن – الزيوت – الشيكولاته – التورتة – الأيس كريم – المشروبات الغازية – المربي – التين – البلح – العنب – المكسرات
شايفين بسيط قد ايه و ديما كان عندي احساس بالشبع
لحد كده تمام
حملت للمرة التانية و كالعادة زدت شوية محترمين ( 10 ك )
و قررت اني ابدأ من جديد بس المرة ديه معاكم
☺ تعالوا نتفق هنعمل ايه ☻
☻☺ هنطبــــع ورقة الريجيــــم اللي كتبته
☻☺ هنعلــــق الورقة علي التلاجة ديما كده قدام عيننا
☻☺ لازم نفطــــر الصبــــح و عشان اقرب فكرة
اهميــــــة الفطــــــــار
احنا اول ما نصحي الصبح الجهاز الهضمي بيكون نايم و لازم يصحي عشان يبدأ يشتغل
طب ازاي يصحي ؟؟
بوجبــــــــة الفطـــــــار
يبقي مهم جدآآآ الفطار
☻☺ كل ساعتين أو تلاتة نآكل Snack خفيف عشان الجهاز الهضمي يفضل شغال
و يفضل خضـــــــــــار
خيار و خزر و خس و خصوصا الخيار
الدكتورة كانت تقولي كلي اي كمية من الخيار
☻☺ السلطـــــــة الخضـــــرا مهمة جدآآآ و وجبة اساسي علي الغدا
☻☺ هنشرب مــــــــــاء كتير كل شويه
☻☺ جميــــــع المنتجــــــات منزوعة الدسم أو قليلة الدسم
( البان – جبن – لنشون – مربي – شكولاه – ……..) كله منتجات دايت و Zero Fat
☻☺ العيــــــش لازم يكون من الدقيــــــــق الاسمــــــــر و يفضل التوســـــت الاسمر
♥♥♥المشــــــــروبات
كل ما نحس بالجوع نشرب اي مشروب من الآتي
♥♥♥ مشـــــــروب حــــــــرق الدهــــــــون
القرفة و الجنزبيل مع الكمون و الليمون
المكونات:
كوب ماء مغلي – 1/4 ملعقة قرفة – 1/2 ملعقة صغيرة جنزبيل مطحون – 1 ملعقة صغيرة كمون مطحون – شريحتين ليمون بالقشر
طريقة التحضير:
– ضعي المكونات السابقة على كوب ماء مغلي، وتناوليها 3 مرات فى اليوم قبل الوجبات بمدة 20 دقيقة، كما يمكنك تحليتها بالعسل "على حسب الرغبة".
ملحوظة :
– لا يجب غلي المكونات، ولكن يتم خلطها فى كوب ماء مغلي جاهز، تغطى وتترك لمدة 10 دقائق، بعدها تكون جاهزة للشرب.
– هذه الوصفة تظهر الجسم أقل من حجمه بما يعادل 7 كيلو أقل أي "بالسنتيمتر" وبالاستمرار على هذه الوصفة ستلاحظين الفرق أثناء ارتداء الملابس، وليس علي الميزان، مما يعنى صحة أفضل بكوليسترول وسكر وضغط أقل، وتتمكنين من الحفاظ على حيويتك ورونقك وتبدين بمظهر رشيق.
ويؤكد خبراء التغذية أن هذه الوصفة تزيد قوة الحرق، تغلق الشهية، وتقوي المناعة، كما إنها تحافظ على المفاصل بسبب وجود الجنزبيل الذي يعد من أكثر المواد الطبيعية المستخدمة بعلاجات أدوية التهاب المفاصل.
______________________________________
♥♥♥ الشــــــــاي الأخضــــــر
____________________________________
♥♥♥ القهــــــــوة
الحمد لله بأموت في القهوة
يحقق تناولها ثلاثة أهداف غذائية: تخفض من الشهية، وتزيد أو تدعم سرعة الهضم، وتعطي جرعة من مضادات الأكسدة.
_______________________________________
♥♥♥لتخفيـــــف الشهيـــة اثناء الرجـــيم
شاي القرفة و الزنجبيل و الليمون و النعناع والشاي الاخضر
الطريقة تغلي ماء علي النار نضيف ملعقه كبيرة من الشاي الاخضر – نصف باقة نعناع – 100غ زنجبيل مقطع – ليمونة مقطعة شرائح – 4 اعواد قرفة .
نترك المنقوع 3 ساعات
ثم نصفي ونفرغ في قارورة من الزجاج
يؤخذ 3 كؤوس يوميا قبل الاكل بمده ساعة على الاقل
الكمية تكفي يومين.
♥♥♥الشــــاي الأخضــــر والميــــــرمية والبابونـــــج والقرفة
تنقع كمية متساوية من الشاي الأخضر والميرمية والبابونج والقرفة في ماء مغلي و تترك حتى تبرد ثم يشرب منها في الصباح والمساء.
♥♥♥الشـــــــاي الأخضــــــر والنعناع الطازج والزنجبيل وقشر الرمان
تغلى ملعقتين صغيرتين من الشاي الأخضر والنعناع والزنجبيل وقشر الرمان في كمية مناسبة من الماء ثم يصفى و يترك ليبرد. يشرب منه يوميا بعد كل وجبة.
♥♥♥الشــــاي الأخضر والكمون والبابونج
تخلط ملعقة صغيرة من الشاي الأخضر والكمون والبابونج مع الماء ثم يوضع الخليط على النار حتى يغلى ثم يصفى ويشرب منه كوبا يوميا.
____________________________________________
♠♠♠ الفـــــــــــاكهة المسموح بتناولها
♠♠♠أخسري سعرات بدون مجهود
أكثري من تناول التفــــــاح والفـــــــــــــراولة والكيـــــــــــوي والجـــــــــــريب فــــــــروت, حيث أن السعرات التي تستهلك في هضم هذه الفواكه أعلى من السعرات الموجودة بها أصلاً وبذلك تأكلين الفواكه وتخسرين السعرات في نفس الوقت
♠♠♠ الجريب فروت التوب في حرق الدهون و ممكن نستغني عنه بالبرتقال
بصراحة طعمه اصلا مر
__________________________________________________
♠♠♠الكمثـــــرى والتفــــــــــاح
ثمرة متوسطة من الكمثرى أوالتفاح ستساعدك على الأمتلاء لاحتوائها على ألياف البكتين التي تقلل من مستويات السكر في الدم وبالتالي تجنبك تناول الطعام بين الوجبات
زمايل جوزي في الشغل و كلهم اجانب ديما بيفطروا تفاح علي الصبح سأل مرة واحد منهم اشمعني تفاح رد قال
one apple a day keeps doctor away
يعني تفاحة وحدة باليوم تخليكِ تستغني عن الدكاتر
مهم جدآآآ التفاح
حالا هنعمل ايه تااااني
♫ هنطبــــع ورقــــــة الدايــــــت و نعلقها علي التلاجة
♫كل منتجات الالبان قليلة الدسم و جميع المخبوزات من الدقيق الأسمر
♫ لو عايزة تحلي اي مشــــــروب بالعسل أو السكر الدايت و افضل سكر دايت علي الأطلاق اللي كل الدكاتر اسمه اسبليندا
راااااااااااائع يابنات و تحسي فيه بطعم السكر لاني جربت كذا نوع كلهم تحسي انكِ بتشربي عصير قصب
♫ كل ساعتين أو تلاتة Snank
♫ الرياضــــــة الرياضــــــة الرياضــــــــــة لو مش هتقدري تروحي جيم يبقي تتمشي لو مش هينفع يبقي تتحركي جوه البيت اجري اعملي تمارين ادخلي علي اليوتيوب و اعملي تمارين
♫ هنبدأ من دلوقتي و ممنوع تأجيل
♫ تنظيم موعد الوجبات و ديه مهمة جدآآآ جدآآآ
انا عندي لسه كلام كتير جدآ
♦ البهارات اللي هنضيفها في الأكل و تعلي من معدل الحرق
♦ ازاي نحل مشكلة ثبات الوزن مع الريجيم
♦ وصفات لبطن مشدودة
♦ وصفات للأكل و السلطات للدايت
بس هابدأ خطوة خطوة
◄◄◄ ملحوظة
انا مش دكتورة انا بأتكلم من خبرتي و خصوصا اني بأحب اقرأ كتير علي المواقع الطبية و اليوتيوب
◄◄◄ ملحوظة تانية
الموضوع مش جروب يعني اللي عايز يشترك يتفضل و مش شرط انا اللي ارد علي مشاركاتكم كلنا ندخل و نكتب اي معلومة عارفينها و نتابع بعض علي قد ما نقدر
و بأذن الله اضيف مشاركات تانية بمعلومات مفيدة
GOoOoOoOooo بكل همة و نشاط و اصرار و عزيمة
انتظروني في مشاركات تانية بأذن الله
دمتم في حفظ الله
و السلام عليكم و رحمة الله و بركاته
التقييم تقديرآآآ للمجهود ♥♥♥
shimaa el-naggar shimaa el-naggar 511519_40.gif فتكات ست الكل Fatakat 511519 العين – الأمارات العربية المتحدة