بسم الله الرحمن الرحيم
السلام عليكم ورحمة الله وبركاته
والله انا بكتب لكم وانا مخنوقة اووووووووي بصوا يا بنات معلش افهموني واستحملوني شوية
دلواتي انا حامل اللهم لك الحمد في التاني وروحت علشان اتابع مع دكتورة عادي يعني ,طبعا الدكتورة لازم تكون عارفه حالتك الصحيه ,المهم حكيت للدكتورة اني ابني انس توفي بسبب الضغط العالي وولدته متوفي ياحبيبي , السنة اللي فاتت
المهم الدكتورة استغربت وقالت مكنتيش بتابعي قلت لها كنت بتابع بس ربنا كتب عليا كده , وروحت حكيت لها ظروفي الصحيه واني عملت عمليتين بعد انس واحده المرارة ودي كانت بسيطه والتانيه كانت عمليه كبيرة في المعده وقلت لها اني عانيت من التهاب البنكرياس الحاد ,وكل ده لاني مش عايزاها تكتب لي حاجه فيها هرمونات تعلي انزيمات البنكرياس ولا حاجه , لاني طبعا مش عايزة _لا قدر الله_ اضطر اواجه التهاب حاد تاني ده بيرقدني في المستشفي بالحق والمحاليل وبس , المهم كتبت لي علي فوليك اسيد وبرشام حديد وكالسيوم ومشيت
من يومين بقي لاقيت افرازات خفيفه جداااااااا ولونها بني طبعا خفت وعارفه ان ده انزار بالاجهاض_لا قدر الله_ كلمتها قالت لي تعالي روحتلها امبارح استشارة وكان الوحم عالي شوية عليا كنت حاسه بغثيان بس مفيش ترجيع
دخلتلها لاقيتها بتديني الروشته وتقولي لو سمحتي يا مدام اعرضي نفسك علي دكتور باطنه
قلت لها يا دكتورة هو ايه علاقة الافرازات بدكتور الباطنه قالت لي ده بسبب العمليه انتي مكنش ليكي تحملي دلواتي
قالت لي ما انتي كل ماهتحزقي علشان الترجيع هتنزلي دم ,قلت لها انا مرجعتش ومحزقتش من يوم الحمل لسا في الشهر التالت بتجيلي الحااجت دي انا بس بيجيلي غثيان عادي بس من غير ترجيع او حزق, مدتنيش فرصه قالت لي انتي هتعلميني شغلي انتي مكنش ليكي تحملي دلواتي والله يا بنات كنت منهارة واسااس مش قادرة اتكلم من الغثيان
ده حتي الدكتور بتاعي الجراح كان مطمني وقالي عيشي حياتك عادية , قلت لها يا دكتورة طيب اروح لدكتور باطنة ولما يديني دوا اجيلك , قالت لي لما نشوف لما نشوف ,كلنها بتخلي مسئوليتها عني , والله انا زهقت يا بنات حسيت انها مش عايزاني
لانها خاييفه يجرالي حاجه ويقولو ا دي كانت بتابع مع دكتورة امنيه
والله لو شفتوا طريقتها يا اخوات يوكلامها انا انهرت ,انا اعرف ان كتير بيجيلهم الافرازات دي وبياخدوا مثبت ويرتاحوا يعني كلهم عندهم مشاكل في الجهاز الهضمي
حاسه اني مهما روحت لدكتورة هتعمل معايا كده طيب اعمل ايه دلواني بالله عليكم
اخويا دكتور صيدلي بس في القاهرة اداني اسم مثبت وقالي امشي عليه كل يوم لبوس وبعد خمس ايام حقنه بس زعلت اوووي ماصدقت اني لاقيت الدكتورة اللي همشي معاها وهي يا بنات مكنتش طايقاني لو شفتوا كلامها مش هتصدقوا
اعمل ايه بالله عليكم قولولي هو المريض في البلد دي الدكاترة يهربوا منه وعايزين الناس الجاهزة مش عايزين يتعبوا شوية مع حد لو شفتوا وهي بتزعقلي وانا معملتش حاجه اساسا والله العظيم هموت من العياط
ام انس ورقيية ام انس ورقيية 403027_2.gif سوبر فتكات Fatakat 403027 اسكندرية – مصر