السلام عليكم ورحمة الله وبركاته
دا اول موضوع ليا في القسم ده وان شاء الله ميكونش اخر موضوع
اول حاجة
شوربه السي فود
زي بتاع المطعم بالظبط بالظبط
اول حاجة هعمل الاساس او المرقة بدل ما نعملها بالمايه بتبقي احسن
هناخد راس السمك اللي هيتقلي ونغسلة بلمون وملح ونكسرة بالسكينة كدة ولو في جمبري فريش ناخد الراس بتاعتة بردو
وفي حلة عالنار نحط معلقة زيت ومكعبين مرقة وفصين حبهان وورقة لورا
بعدين هنضيف راس السمك ونشوحهم كويس
واضيف عليهم لتر مايه واسيبهم يغلوا شويه
وهتبلها بملح وفلفل وشطةوكمون اساسي وفلفلايه حامية انا حطاها بالقصد علشان جوزي مش بيحبة
وبعدين هصفيهم كويس بمصفا ضيقة واخليه علي جنب وممكن نعملها قبلها بيومين
ودي صورة المكونات بتاع الشوربة
الشوربة اللي عملناها………. وكيس سي فود فروزن ويتغسل كويس ………..وكسبرة وشبت وبقدونس فريش
ومعلقتين دقيق كبار ………وكوبايه لبن ……………وبصلة مفرومة ……….وفصين توم………..ونظبط التوابل لو احتاجت
هنضيف معلقة زيت ومعاها البصلة المفرومة
وبعدها التوم والسي فود ونشوحهم حبة صغنطوطة
وبعدين الشوربة اللي عملاناها
ونسيبهم يستوا مش كتيير علشان السمك ميتهريش
وفي طاسة نحط معلقة سمنة والدقيق ونشوحهم حبة وبعدين كوبايه اللبن ونقلبهم كويس علشان ميكلكعش
وبعدين اضيفة للشوربة وياخدو غلوتين مع بعض
وبعدين نقدمة ونحط عالوش شبت وبقدونس متقطعين
يتبع …… مواضيع هذا القسم برعاية
*bambi* *bambi* 258177_4.gif فتكات هايلة Fatakat 258177 القاهرة – مصر
سبحان الله و بحمده