السلام عليكم ورحمه الله وبركاته
ازيكم ياقمرات عاملين ايه في البرد الفظيع ده
انا قولت اكتب الموضوع ده
واقولكم علي شوربتين انا بعملهم علي طول
طعمهم روووووعه
طعمها رووووعه اول مره سمعت عنها استغربتها
لكن لما جربتها بقيت اعملها علي طول
ياريت تجربوها مش هتندموا ان شاء الله
المقادير:
2/1 كيلو بطاطس مقطعه مكعبات صغيره
2 حزمه جرجير مغسوله ومقطعه
1 بصله مقطعه
2 معلقه زبده
2 معلقه دقيق
حوالي لتر شوربه
كريمه لباني
ملح وفلفل
الطريقه:
في حله نشوح البصله المقطعه في الزبده لحد ما تدبل
نضيف مكعبات البطاطس ونشوحها
وبعد كده الجرجير نضيفه ونشوحهم لحد ما يدبل
نضيف معلقتين الدقيق ونقلب
ثم نضيف الشوربه ونسيبهم يستوا
نضرب الشوربه بالخلاط او بالهاند بليندر
ونضيف الكريمه والملح والفلفل
ودا شكلها في الاخر
4 طماطم مقشره ومقطعه
1 بصله مقطعه
شوربه
كريمه
ملح وفلفل
2 معلقه زبده
2 معلقه دقيق
(ممكن تضيفوا جزر مكعبات اختياري)
الطريقه:
في حله نشوح البصله في الزبده لحد ماتدبل
نضيف الطماطم المقشره والمقطعه ونشوحهم شويه لحد ماتدبل وتبدأ تنزل الميه بتاعتها
نضيف الدقيق ونقلب وبعدين نضيف الشوربه ونتركهم يغلوا ويستوا
نضرب الشوربه بالخلاط وبعد كده نضيف الكريمه اللباني والملح والفلفل
يارب تعجبكم
جربوها وان شاء الله تعجبكم مواضيع هذا القسم برعاية
حته سكره 80 حته سكره 80 286735_1.gif سوبر فتكات Fatakat 286735 مع جوزى حبيبي – مصر