بسم الله الرحمن الرحيم
اخواتى حبايبى يارب تكونوا بخير
النهارده عاوزه اقولكوا عملت شكشوكه بطريقه تجنن قولت لازم اقول لفتوكاتى عليها لذيذه ومش مكلفه وهتعجب اولادك جداااااا
المقادير**
5 بيضات
بصله
3 ثمرة طماطم
بسطرمه
ملح وفلفل
2 فلفل رومى
جبنه تركى مبشوره
نص كوب زيت ذره
الطريقه**
تفرمى البصل وتقطعى البسطرمه قطع صغيره كميتها زى متحبى ممكن لو متبقى عندك فالتلاجه مفيش مشكله وتقطعى الفلفل حتت صغيوره وتحطى الزيت عالنار وبعدين تحطيهم وقلبى لغاية ميدبلوا شويه تحطى عليهم الطماطم المتقطعه حتت صغيره وتقلبيها متسبيهاش تتهرى
تكونى ضاربه البيض بالملح والفلفل ملحوظه الملح شوية صغيرين اوى لان البسطرمه بيكون فيها نسبة ملح
وتاخدى البيض وتحطيه عالخليط الى النار وتقلبيه وتغطيه بالجبنه التركى المبشوره وتغطيها 5 دقايق وبالهنا والشفا هتلاقى الجبنه ساحت وطعم البسطرمه فيها تحفه ودى صورتها قبل مقطعها فالاطباق
على فكره التكلفه بسيطه جدا وبتتقدم مع بطاطس محمره وسلطه وبتتحضر فوقت قياسى
لو عجبتكوا قيموها ولو معجبتكوش دعوه حلوه كفايه
سلام يا اجمل صحبه
مواضيع هذا القسم برعاية
نقابى طريقى للجنه نقابى طريقى للجنه 557797_4.gif فتكات هايلة Fatakat 557797 فبلاد الله الواسعه – مصر ام الدنيا