هاي
ازيكم كلكم
ايه رايكم كل واحده شافت الجنين بتاعها في السونار تحكيلنا كان بيعمل ايه وبيتحرك ازاي وحست بايه وهي بتتفرج عليه
انا حامل في اخر الخامس
ولما رحت للدكتور قالي ان الجنين حركته عنيفه وشكله هايبقى شقي موووت
بسبب كده معرفش يشوف ولد ولا بنت
وانا كنت بتفرج عليه وهو بيتحرك في الشاشه اللي قدامي
وشفته والله كانه ماسك حاجه صغنونه في ايده وبسرعه حطها في بقه ورجع ايده تاني والدكتور ضحك وقالي اهو بياكل شوكلاتايه
وكان بيلعب برجله وبيتقلب على جنبه اليمين شويه والشمال شويه وشكله جميل قوي
وجوزي وابني اللي عنده 3 سنين تقريبا كانو قاعدين في الاوضه التانيه اللي فيها مكتب الدكتور وبرضه بيتفرجو على شاشه عندهم وكانو مبسوطين قوي
انا في بني ماكانش الدكتور بيوريني الشاشه فيها ايه وعمري ماشفته في السونار ولا حتى جوزي
عشان كده انا وجوزي مبسوطين قوي اول مره نشوف الجنين بيتحرك كده
حتى ابني بيقولي انا كنت بتحرك كده؟
اقله اه
بس هو يعني مش فاهم حاجه هو بيقول زي ما انا وابوه بنقله
حتى الدكتور لما اداني صوره الاشعه وانا خارجه بقل لسمير صوره النونه اهي
قعد يعيط ويقلي لا انا عايز صوره النونه بجد
طبعا لانه شايف صوره ابيض في اسود مش واضحه وهو عايز صوره نونه بجد
يلا احكولي شفنو ايه
وياريت التقييم
ام سموره العسل ام سموره العسل images/avatars/abstract3.gif فتكات غالية قوي Fatakat 271535 الغربيه – مصر