.. أهلا بالجميع مرة تالتة .. يآرب تكونوا تمام
بعد ما سمينا وصلينا على نبينا نكمل موضوعنا
سألنا سؤال المحاضرة اللي فاتت
وقلنا ليه بنخاف نخطط ونحط أهداف ؟؟ ايه المعوقات اللي ممكن تقابلنا
1 – الخــــــــــــوف ..
وآآه وألف آآه من الخوووف .. بمجرد ما بيتملك من الانسان
على طول يصاب بالشلل فالتفكير والتركيز
طيب ايه ممكن يكون سببه الخوف ؟؟
ممكن يكون ناتج من فشل في تجربة سابقة ..
بتديكي رسالة سلبية بالخوف من الفشل المستقبلي
وبتخافي انك تحسي نفس الشعور المؤلم اللي حسيتيه فالتجربة دي
يقول زج زجلر فى كتابه ( فوق القمة: (
الخوف هو بر الأمان الوهمى الذى يبدو وكأنه واقع
والخائف – قارئى الكريم – انسان مسجون فى اطار من
الأوهام والشكوك وعدم الثقة فى الذات
لذا كانت الخطوة الأولى فى سبيل تحقيق أهدافك أن
تحارب خوفك وأن تتسلح بالشجاعة فى مواجهة أخطاء
الماضى وتصحيحها والاستفادة منها بدلا من الوقوع فى أسرها
فيه بعد كده كلام ..
يبقى كل واحدة فينا هاتقلع الخوف وتحطه ع جنب تمام .. ونتسلح بالشجاااعة ولكن دون اندفاااااع
2 – النظرة المهزووزة لذاتك (( عدم الثقة بالنفس ))
الإحساس ده هاينعكس على كل حيآتك .. هايخليكي تحسي انك غير كفء ..
وان النجاح بس لاى حد غيرك ..
ونخلي بالنا ان النقطة دي مش صفة "جِبلية " يعني انتي مخلوقة بيها
لا دي مكتسبة .. وده يديكِ امل فانها تتغير
بس محتاج منك شوية اصرار وعزيمة وإإإلا ، هاتكوني إمعة على هامش الحياة
اى حد يقول رأى او قرار ترضى .. اى حد يقنعك بأى حاجة
ومش هاتلاقي اساسا بقى داعي لانك تحطي اهداف وتبقى أفضل
.. فلازم نتميز بروح تتمنى المزيد ..
تشتاق للجلوس على القمة ..
لا يرضيها غير الأفضل ..
المركز الأول هو مكانها
تنسى تماما ان فيه مركز تاني
وطبعا ده نموذج بنشووفه كتير في الستات حوالينا ..
تلاقيها بتبذل كل مجهودها فأفعال اللي حواليها عشان تبقى زيهم
مش بتركز مع نفسها .. واللي هيا فعلا عاوزاه .. والأفضل
3 – التأأجيل والتسوويف ..
.. طبعا اكبر مشكلة في حياتنا ..
نموووت ونعشق التسويف
" بعدين " … " هاعمل كذا " .. " عاوزة اعمل كذا "
طبعا المشكلة دي بتسرق عمرنا .. وبنضيع وقتنا من غير مانحقق اى شئ
طيب هو يعني اساسا ده .. او ايه حدوده مثلا
بكل بساطة ومن الآخر
التأجيل والتسويف : تأخير عمل اليوم إلى الغد فنأجل اللي مش مفروض نأجله
لغاية اما يمر العمر بينا .. ونلاقي نفسنا ماعملناش اى حاجة .
… كمان هاتلاقينا حلوين اوووي وممتازين في اختراع الحجج
ونقعد نبرر ونبرر ونحاول نستخدم اى حاجة فانها تنفعنا فكسلنا
صح ولا ايه ؟
تلاقي واحدة مالهاش مزاج مثلا لانها تنضف
فتقوم تقول اايه : انا ماعنديش كلور هاستنى لما اجيب كلور ،، وهيا عندها كل ادوات التنضيف ماعدا الكلور
ماهواش شرط اساسي يعني
وهكذا ..
الانسان اللي بيسوف مش محبط ومابيحطش اهداف
لا عنده .. لكن بتكون اقرب للامنياات
تظل امنية مهما مرت الأيام .. مش بيسعى لتحقيقها ..
ماشية معاكو واحدة واحدة .. عشان نفنط كل حاجة لو حدها
ونظبطها باذن الله
المرة الجاية هانكمل معوقات الأهداف اللي ممكن تقابلنا
ندخل فالجزء التطبيقي ..
ونجيب كراستنا وقلمنا ونكتب
– أى عائق من العوائق اللي اتكلمنا عليها فوق بتقابلني .. ؟
– ثقتي بنفسي واصلة لفين ؟؟ ولو مهزوزة هل فيه موقف معين سبب لي ده ؟؟
– احكي لي وفضفضي فكل النقط اللي اتكلمنا فيها ..
نشكركم لحسن استماعكم يا أجمل بنآت ..
ولو فيه اى شئ مش حلو فالمحاضرة نبهووني ..
مع خالص حبي
Muslima Wife Muslima Wife 84811_20.gif فتكات غالية قوي Fatakat 84811 فقط مع من أحبوني ! – مملكتي الخاصة