السلام عليكم ورحمة الله وبركاته
انا عملا كدا
اه فعلا روابي وكريستال وجنة والهانم والهنا والدوار كمان كله كله بقي سمنة بلدي بلدي بلدي
بنسبة 80 % بشهادة امي
ادخلي في الموضوع يا بت يا مي
حاضر حاضر
بصوا بقي النهردة وانا بتصفح منتدانا العزيز قريت موضوع صغير قوي كدااااااا
ال ايه يختي حطي لبن وضعفه سمنه وسبيه يغلي هيطلع مورته والسمنة هتبقي بلدي
انا قلت فتكات دي حببتي حببتي حببتي
ومش بجرب منها حاجة غير وبتفلح الحمد لله
اول مروحت البيت لقيت فيه لبن
قلت يلا علي بركة الله ونجرب
جبت كوبيتين لبن جاموسي مش مبستر
و 4 كوبايات سمنه الهانم اي نوع جربية دي الي كانت عند ماما دلوقتي
وحطتهم في الحلة وسبتهم علي النار ساحووووووووووووو اول مغلوا
حطيتهم علي اصغر عين علي البوتجاز ووطيت علي الاخر
وسبتهم يجي 2.5 ساعه
وكل شويا اقوم اقلب
وفي النهاية كانت المفاجاة
السمنة الهانم دي اصلا اي كلام خالص وماما مش بتجبها بس اخويا الي جبها الي لقاها وريحتها ملهاش ريحة اصلا
الحمد لله السمنة راقت ولقيت الموردة رقدت اكني بعمل سمن بلدي
والريحة بقي يا جمالو يا جمالو
بلدي بلدي
صفتها زي ما الوصفة قالت وملحت المورته
للامانه المورته مش زي موزته السمن البلدي بجد بس حلوة والله مش وحشة
مش دي القضية
القضيه ان السمن النباتي بقي بريحة السمن الفلاحي فعلاااااااااااااا مش زي ما بيقولوا في الاعلانات ولا هي في ريحة بلدي ولا اي بتنجان
ان شاء الله المرة الجاية هجيب لبن واجمع وشة يومين تلاته كدا علي مكون تلت اربع كوبايات وش بس
وهضيفه علي السمن بحيث يبقي دسم اكتر ويدي ريحة سمن اكتر واكتر ونوصل ل 100 %
انا جربت في حاجة بسيطة عشان اتاكد
ونقلت التجربة بكل امانه
وقلت لحماتي عليها ولجارتي عشان يجربوها
جربوا ومش هتندموا
ودا لنك صاحبك الموضوع الي مقتبساه من فتوكة اخري جزاهم جميعا الخير
ادخلوا اتفرجوا علي الصور
https://fatakat.univanet.com/#1094865
ادعولي ربنا يشفي ماما ويتملي جوازي علي خير
بحبكم في الله مواضيع هذا القسم برعاية
مي العسل مي العسل 336487_2.gif سوبر فتكات Fatakat 336487 الشرقية – (heart of my love)