عملت من يومين سمك مشوي باردة
المقادير – ممكن سمك بوري او بلطي متنضف كويس جدا طبعا ومتتبل من جوا بتتبيلة جميلة الاساس فيها التوم الخل والملح والفلفل والليمون
ونجيب السمكاية نغطيها بالردة ( اللي هي نخالة الدقيق )
ونجيب صنية فرن ونحط فيها شوية ردة ف الارضية بتاعتها
نولع الفرن بتاعنا بتاع 10 دقايق كدا عشان يبقى سخن
وبعدين نطفي الفرن ونولع الشواية
ونحط الصنية بتاع السمك تحت الشواية
وبعد 10 دقايق نقلب السمك على الوش التاني لمدة 10 دقايق تانيين
مش هياخد اكتر من تلت ساعة كله على بعضه
وبعد مايستوي وتطلعيه من الفرن
تشيليهم سمكاية سمكاية وتنفضيها بالراحة من الردة وحاسبي على ايدك احسن تتلسع
وحطيه ف طبق التقديم واسقيه بتتبيلة زي اللي حشيناه بيها بس زودي عليها طماطم وفلفل مقطع حتت صغننة
وغطيه شوية بحيث ان البخار يخلي التتبيلة تمتزج مع السمك
زينيه بقى بشرايح الطماطم والخيار والليمون ويقدم مع رز ابيض وسلطة طحينة وسلطة خضرا وبالهنا والشفا
ودي صزوة طبقي النهائي
مواضيع هذا القسم برعاية
د.نورا د.نورا فتكات نشيطة Fatakat 377553 المنوفية – مصر