صباح الخير عليكم جميعا وكل سنه وانتم طيبين
موضوعى النهارده عن السمك الروسى ( ممكن يبقى له اسم تانى عندكم ) السمك دة طعمه حلو قوووووى ودايما بنجيبه جاهز بـــــــ 25 جنيه
النهارده قولت انا هجرب اعمله ف البيت وفعلا اشتريت كيلو بـــــ 15 جنيه بس واستعنت بالله وخدته ع المطبخ
اول حاجه هنضف السمك كويس قوى ونغسله ونرصه ف مصفاه ونرش عليه ملح وعصير ليمون (الخطوه دى مهمه للقضاه ع الزفاره)
بالشكل ده
وقت التنفيذ هناخد السمك ونقطعه نصين وكل نص هتفتحيه بشويش من جمب الشوكه اللى ف النص عشان م يتهريش منك
وبيبقى شكله كده
و ف طبق خارجى هتحطى شويه زيت صغيرين مع شويه خل ( هنحط فيهم السمك واحده واحده قبل الشوى)
كدة
نيجى بقى للحظه الشوى انا استخدمت طاسه تيفال قديمه عندى حطتها ع النار سخنت جامد ودة شكلها
وناخدى السمك ع طبق الزيت بالخل ومنه ع الشوايه عدل ذى كدة
ونقلبها ع الجانبين لحد م تستوى كويس ونطلعه ع طبق مفروش بالبقدونس
واخر واحده نضيف معاها البطاريخ الجامده دى
نيجى بقى للتتبيله الاخيرة دى بتتحضر وانتى بتشوى السمك
هنحتاج طماطم ومسطرده وثوم وفلفل اخضر وملح وكمون وجنزبيل مطحون وشويه بقدونس ودة شكلهم اكيد عارفاهم
هندق التوم والفلفل سوا ونتبلهم بالملح والكمون والجنزبيل وشويه مسطرده وبعدين نقطع عليهم البقدونس والطماطم قطع صغيرة ونقلبهم كويس
واخر حاجه افتكاستها هى انى حطتهم دقيقتبن ع الشوايا بعد السمك كدة
وبعدين حطيتهم ع وش السمك بالطريقه دى ولا اجدع محل سمك ودة الشكل النهائى
وده من زاويه تانيه
ملحوظه هتهمك …..
1 … السمك م عملش اى ريحه زفاره ف البيت لان الملح بالليمون بيقضوا ع اى ريحه فيه
2… الجنزبيل بيفرق كتير قووى مع السمك سواء مقلى او مشوى وعن تجربه م بالك بقى باضافه م مسطرده
3… انتى ممكن تحطى خلطه الفلفل والطماطم دى كـــــ حشوة ف النص بس م تفتحيش السمك جامد عشان م توقعش منه ع الشوايه
اخيرا بقى ….. مش هـــــ سامحك لو عجبك الموضوع وخرجتى من غير تقييم ودعوة حلوة ليه ربنا يرزقنى الزوج الصالح انا وبنات المسلميين مواضيع هذا القسم برعاية
فوضت الامر لله فوضت الامر لله 67661_6.gif سوبر فتكات Fatakat 67661 ف الدنيا اللى وجعتنى قوى – egypt