السلام عليكم فتوكاتى
ازيكم يا قمراتى انهارده هنعمل بورى صينيه متبل بتتبيله جديده شويه
ومختلفه بس طعمها واااااااااااااااااااو بجد
انا سميتها التتبيلة الخضراء
لانها كلها باالون الاخضر
نشوف مع بعض
المقادير
كيلو سمك بورى متنظف ومغسول كويس حوالى 4 سمكات
للتتبيل
حزمه كسبرة خضراء
حزمه شبت
بصلايه خضراء
4 ملاعق كبار توم مفروم
2 ليمونه بالقشر
2فلفل رومى و1 وحامى
نص كوب خل
ملح وفلفل وبهارات وكمون وزنجبيل وكركم وشطة وكسبرة ناشفه وزعتر
لوش الصينيه
زيت زيتون وطماطم مقطعه حلقات
الطريقه مفيش اسهل منها
هنحط كل المقادير فى الكبة ما عدا الزيت والطماطم
ونفرمهم كويس ونحشى بيها السمك ومن بره كويسه
ونسيبه حوالى نص ساعه يتشرب التتبيله
وقبل ما ندخله الفرن نحط الزيت والطماطم على الوش
اظن مفيش ولا اسهل ولا اسرع من كده
المرجان المقلى
طريقته عادى
تتبيلتى ييسمك توم مفروم وليمون بقشره
وخل وملح وشطه وكمون وكسبرة ناشفه
ونتبل بيهم السمك كويس ونغطييه بالدقيق ويتقلى عادى
وعملت ارز صياديه
بصلايه مفرومه
نحمرها فى الزيت لما تبقى لونها براون
فاتح وننزل عليها بالارز يتحمص شويه
مع ملح وفلفل وبهارات وقرفه
ومعلقه صلصه طماطم
ونسوييه عادى بس كده
ده الشكل بعد التتبيل وقبل السوا
وده بعد ما خرجت من الفرن
فى الطبق
اقرب
زوووووووووووم بجد تجنن والريحه والطعم وااااااااااااااااااااااااو
وده طبق الارز المتين
وده الشكل مع بعضه
وده المرجان المقلى
بس كده يا قمراتى
انزلى قيمى بقى قبل ما تردى وتنسى
اظن التقيم نزل تحت اهه
وطبعا يا رب تكون عجبتكم يا رب
واشوفكم فى موضوع جديد ان شاء الله
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى