ازيكم يافتوكات انا اول امره اكتب فى القسم ده بس قلت اشارككم معلومه عرفتها وممكن تكونوا عارفينها بس قولت برضه زياده الخير خيرين
احنا جنب بيتنا مطعم سمك ومش هقولكم بقى على الروايح اللى بتطلع منه تجوع ومن ساعه مافتح جوزى مابقاش يرضى ياكل سمك من البيت لازم نجيب من عندهم
انا قلت لازم اعرف سر طعامته وفعلا عرفت
الكركم والنشا
ايوه وانتى بتتبلى حطى فى التتبيله كركم ووانتى بتقلى السمك حطى مع الدقيق كركم ونشا ووانتى هتحطيه فى الزيت بلى ايدك ميه ومشى على السمكايه عشان الزيت مايتحرقش ودوقى بقى احلى سمك طعمه تحفه ومقرمش وطعم
اول مره عملته قولت لجوزى انى جيبته من المطعم ومش قادره اقولكم على الاعجاب ولما فاجاته ماكانش مصدق وخلانى عملت سمك قدامه
ومن ساعتها جوزى بطل يجيب تانى من بره وبقى كل شويه يشكر فى سمكى ويقول دا احلى من بره
يالا جربوا وقولولى رايكم
واهم حاجه نسيت اقولكم عليها انكم تشرحوا السمكه بسيط علشان الطعم يدخل جواها مواضيع هذا القسم برعاية
om_dodo&semsem om_dodo&semsem 280367_9.gif فتكات متميزة Fatakat 280367 الزقازيق – فى قلب جوزها وحضن عيالها
سبحان الله و بحمده