اهلا بيكم حبيباتى العرايس القمرات
وخصوصا عرايس دمياط
تيسيرا على حبيباتى فى موضوع اللف على القاعات وانهى احسن وانهى اشيك
هبدا معاكم باذن الله سلسلة مواضيع عن القاعات
كل قاعه بدخلها هجيبلكم عرض الاسعار من الادارة نفسها والاوفر والاوبشنز اللى فيها
ولو توفر صور هصورها ليكم وانزلكم المعلومات علشان تستفيدو
ويارب يتقبل منى نيه العمل خالصا لوجه الكريم باغيه رضاه عنى
اول قاعه نبدأبيها بإذن الله قاعة
نادى الحكمة برأس البر
وهنكتب الاسعار سواء للفرد العادى او للطبيب حامل كارنيه النقابه
نبدأ باذن الله
صلو على حبيبنا وشفيعنا سيدنا محمد وعلى اله وصحبه اجمعين
( عليه افضل الصلاة والسلام )
♥♥ نادى الحكمه براس البر ♥♥
السعر شامل القاعه بالكوشة والليزر والانارة الخارجيه والدى جى
* اما الفيديو فهو من خارج القاعه حسب ما تحبى انتى بدون اى رسوم
*ولو مش عايزة الدى جى بتاعهم ممكن تجيبى من برة حسب ما تحبى بدون اى رسوم اضافيه والدى جى بتاعهم كده كده مدفوع تمنه من ضمن الحجز مش بيتخصم يعنى يا ستى اتيقنى ان ده سعر القاعه ومتحطيش فى بالك الدى جى بتاعهم لو مش عايزاه بس بتبلغى قبلها بيومين علشان يخرجوه بره القاعه
♥♥ نروح للأسعار ♥♥
** قاعه فرحتى الدور الاول للأطباء 2750 لغير الاطباء 4400
** قاعه الكاميليا الدور العلوى للاطباء 2100 لغير الاطباء3400
** البسين او حمام السباحه للاطباء 2550 لغير الاطباء 4000
**** بالنسبة للمشوربات والجاتوهات ◄←
* بلتة كانز ب 70 جنيه
* بلتة عصير علب 45 جنيه
* علب الجاتوهات من عند خالد الحلوانى العلبه ب 5.50
– لو عايزة تجيبى انتى علب جاتوه من برة براحتك بس بياخدو على كل علبه جاتوه 1 جنيه رسم دخول
♥♥ نروح للصور ♥♥
دى صور قاعة فرحتى فى الدور الاول
معلش حبيباتى الموبايل اللى كنت بصور بيه مفيش فيه فلاش فمغمق الصور
بس هى طبعا احلى من كده
دى صور الكوشة فى الوش وانتى داخله من باب القاعه
دى من الجنبين اليمين والشمال
وانتى واقفه فى وش الكوشه وفى ضهرك الباب ده الجنب اليمين للمعازيم
وده الجنب الشمال
لو ادينا ضهرنا للكوشه ووشنا للباب
هنلاقى المكان اللى بيتحط فيه الدى جى جنب الباب على طول
يارب اكون كده قدرت انى اوصفلكم المكان بالظبط
وان شاء الله قريبا هصورلكم القاعه اللى فوق واصورلكم البسين
بالله عليكم حبيباتى لا تنسونى من صالح دعواتكم
ربنا يوسع رزقى ويباركلى فيه
ويباركلى فى زوجى وبنتى يحفظهوملى
ويشفى امى وابى وكل مرضى المسلمين
ام رؤى حماده اول ديجيهاية حريمى بدمياط ام رؤى حماده اول ديجيهاية حريمى بدمياط 214895_13.gif ملكة فتكات Fatakat 214895 راس البر – دمياط