ازيكوا يافتوكات انا عملت سطله كول سلو
وطلعت جميله جدا وقولت لازم اوريهالكوا
هى سهله جدا ومش بتاخد وقت
كرنبايه صغننه
جزرايه
3 ملاعق كبيره مايونيز
نص كوباية لبن
لبن رايب او لبن عادى
ملعقه زبادى
نقطة خل
3 ملاعق كبيره سكر وممكن اكتر للى بيحبوها مسكره
وملعقه ملح انا زودت الملح شويه لانى مش بحبها مسكره اوى
الطريقه ياقمرررات
هنقطع الكرنب صغير اوووى ونبشر الجزر من الناحيه الصغيره بردو
وهنضيف ليهم السكر والملح ونحطهم فى المصفاه عشان هاتنزل مايه
وده اما سيبتها شويه نزلت مايه كتير
وبس نكون حضرنا الصوص بتاعه ونضيفه ليه ونسيبه فى التلاجه عشان يشرب من بعضه
وده الشكل النهائى
بعد خروجه من الثلاجه بنص ساعه
بس كل اما بتقعد فى التلاجه اكتر كل مابتحلو
بس خلاص يابنات انا مش بحب فيه الصوص كتير اوى
اللى بيحبه كتير ممكن يزود الصوص براحته
سلاااام يااحلى بناااات
مواضيع هذا القسم برعاية
يويو روح قلبي يويو روح قلبي 378398_60.gif مشرفة الموقع Fatakat 378398 cairo – egypt