السلام عليكم ورحمة الله وبركاته
بما انى ملياش فى الطبخ قوى
لان ماما هى اللى بتطبخ
وانا كفاية عليا ترويق الشقة
فدى اول مرة اكتب موضوع فى قسم المطبخ
يعنى كل واحدة اول ما تقرا الموضوع تهنينى ع دخولى لقسم المطبخ
ههههههههههههههههههههههههههه
طبعا اكيد كلنا بينبهر بالفول بتاع المحلات
بتحسوا فيه بطعم الذ من الفول اللى بنعمله فى البيت
انا بقى اكتشفت سر من اسرار الفول بتاعهم
( السر )
انهم بيحطوا عليه
الزيت اللى قلوا فيه البطاطس والبتنجان
مش بيحطولوا زيت جديد
والله فعلا بيدى طعم ومذاق حلو قوووووى للفول
يعنى وانتى بتعملى الفطار
اكيد طبعا بتحمرى بطاطس وبتنجان
وبعد كدا بتعملى الفول
حطى على الفول حبة من الزيت اللى حمرتى فيه البطاطس والبتنجان
ده حتى انا النهاردة وانا بحضر الفطار مكنش فيه كمون واضطريت احط ع الفول ملح وبس
وقولت اكيد طبعا الفول هيبقى طعمه وحش لان مفيهوش بهارات
واخواتى هيقعدوا يتريقوا وميرضوش ياكلوه
اول ما حطيت عليه الزيت اللى قليت فيه البطاطس والبتنجان
الفول بقى طعمه حلو قووووووى من غير ما احطله كمون ولا اى بهارات
هو ده السر
يارب يعجبكم
وان شاء الله اجي لقسم المطبخ زيارة تانى
مواضيع هذا القسم برعاية
بنت الشيخ امين بنت الشيخ امين 199855_95.gif برنسيسة فتكات Fatakat 199855 اى بلد يعيش فيها حبيبى (وحاليا هى سوهاج) – قلب زوجى الذى ينبض باسمى ♥