ازيكم يا احلى فتوكات فى الدنيا
انهاردة حقول لكم على اسرار فرختى المشوية و الله بتدوب فى البق و طعمها جنان
اول اما بشترى الفرخة بتاعتى بسيبها تتفك من التلج و بعدين بنقعها فى مياة مدوبة فيها 2 معلة ملح و 2 معلقة سكر اة سكر و دة ايلى بيخلى جلدها يحمر بويديها لون جميل
وبعدين بغسلها كويس بالدقيق و بعدين بالميا و بعدين بنشفها كويس قوى و احضر التتبيلة بتاعتها و هى عبارة عن :
بصلة كبيرة مبشورة
ملح و فلفل و كمون
زعتر و ريحان و جنزبيل مطحون
جوزة الطيب و قرفة و رشة كارى
و السر ايلى بيخليها تتطرى و تدوب هو الخل البلسمك (خل العنب الاحمر) و الليمون
و بعدين نخلط التتبيلة مع بعض كويس و بعدين ندعك بيها الفرخة و نحط تحت الجلد و نشق لحم الصدر و نحط من التتبيلة و ندعكها كويس من جوة باللتتبيلة و نسيبها تبات فى التلاجة لتانى يوم
و دة شكلها قبل الشوى
و الفرخة هنا حطاة على شواية بتخش الفرن و لو مش موجودة الشواية دى ممكن تحطى الفرخة على زجاجة بيبسى او سفن و تحطى جواها شويى مياة و تفرشى الفرن بالفويل لان بينزل من الفرخة دهون
و ندخل الفرخة الفرن لمدة 3/4 ساعة الى ساعة حسب كل فرن مع مراعاة تدويرها فى الفرن كل شوية علشان تطلع كلها لون واحد مش جنب و جنب
و دة شكلها بعد اما خرجت من الفرن
و طبعا علشان اديها طعم الشوى على الفحم سخنت حتة فحمة صغيرة و حطيتها فى فنجان تحت الفرخة و نقطت عليها زيت و لفيت الفرخة بالفويل و بعدين فكيتها ساعة الاكل
بس و الله طعمها خطير و ممكن تتاكل بالعيش مع السلطة و الطحينة او تتاكل مع الرز و الخضار مثلا صنية البطاطس
و انا بعمل معاها رز بالمكسرات و الزبيب و القرفة بس اية روووووعة و بتيقى طعمها حلو قوى معاة مواضيع هذا القسم برعاية
أم يارا و سارة أم يارا و سارة images/avatars/yellowflower.jpg فتكات رائعة Fatakat 171164 الغردقة – مصر