ازيكو يا فتوكاتى يا حلوين؟
بصو بقى كل الفتوكات طبعا شطورين و بيعرفو يعملو بيتزا و بيعرفو يعجنوها بالزبادى لو عاوزينها طرية اوز بالزيت لو ناشفة و طبعا الزواق ده بقى مزاجات.بس انا عاوزة اقولكو على اهم حاجة فى البيتزا و الى بجد بتخليها تحفة و بتفرقها عن اى بيتزا تانية و طبعا محدش يعرف الكلام ده غير الناس الى بتفهم فى البيتزا اوى و هى
الصلصة اه و الله بجد بتخليها حلوة اوى و طريقتها من اسهل ما يمكن و هى
نجيب 4 طماطمات ;كبار حلوين كدة و بصلاية مكلبظة و 5 فصوص توم و نحطهم فى مية على النار بس اييييييه زى ما هم كدة لا تقطعيهم و لا تفرميهم فى الكبة يا دوبك يتغسلو و يتقش قشرة البصلة و التوم و الطماطم زى ما هية و نسيبهم لحد مالبصلة تبقى طرية لما تدخلى فيها السكينة و بعدين ناخدهم بالمغرفة و عاى الخلاط و نضربه كلهم و نحط عليهم زعتر حبة حلوين كدة و بسسسسس و خدى احلى طعم و ريحة بيتزا بجد تجنن.
يا رب الموضوع يعجبكم و يا ريت تقيمو و تقولولى رأيكم ده اول موضوع ليا فى القسم.
مواضيع هذا القسم برعاية
dr.hebaa dr.hebaa 326950_2.gif فتكات هايلة Fatakat 326950 الاسكندرية – مصر