….
زي العنوان
سجق وخضار وذره
أتمنى يعجبكم
معلش مش كنت مصورة المقادير
المقادير حسب عدد الاشخاص مش مقياس محدد
اللي استعملته في الطبق
سجق مقطع
زي ما تحبي سجق م الجزار او من السوبر ماركت
طماطم طرنشات
و طماطم قطع
فلفل قطع "عادي او حار انتي وراحتك "
بصل مقطع
بطاطس كانت متقطعه صوابع
ومسلوقة نص سوا
مودزريلا للوش
وتوابل بس مش كتير لان السجق بطيبعته مبهر
الطريقه
حطيت طاسه ع النار
وفيها زيت قليل خالص
وشوحت السجق شوية ع النار من فوق
عشان بحب الحاجات دي تبقى ملسوعه شوية زي فكره الكوبيبه كدا
وبعدين شلتو وحطيته في طبق
ومكانه شوحت البصل و الفلفل مع التوابل ملح وفلفل و شوية بهرات وجوزة الطيب
بس تشويح بسيط مش تسوية
وبعدين الطماطم المقطعه
وبعدين شلتهم وبعد كدا حطيت البطاطس وقلبتها بسيط
بعد كدا كنت مجهزة الصنيه مبطناها بورق فويل
بحب استعمله في معظم اكلات الفرن
حطيت طبقه بطاطس و عليها الخضار وبعدين السجق
وطرنشات الطماطم واقفه كدا كنت عاوزاها تاخد طعم مشوي م الفرن
وبعدين رشيت المودزريلا
بالنسبه للذره
ممكن تسوية بالبخار
او تسلقيه
سلقته بكمون و ملح و قرفه
وبعدين طلعته وكان طعمه تحفه اوي
ودا الشكل
مواضيع هذا القسم برعاية
Shosho Queen Shosho Queen 658928_37.gif فتكات رائعة Fatakat 658928 ــــــسريهـــــــ – مصر