بصو بقى انا دورت كتير ف المدونة والكل كان عاوز يخدم
انا قلت اروح المشوار الصعب واجرب واحكم بنفسي
هقولكم كل حاجه بالتفصيل الملل بس محدش ينام منى
اولا اللى هيروح من شبرا انا ساكنه هناك هيركب اى حاجه رايحه السلام او على طول ع العاشر من رمضان
دخلنا بقى العاشر من رمضان عند المصانع اللى يقولك روحى مصنع النساجون عشان بيبيع قوليله لالالالالالالالالا مش بيبيع خلاص ومبقاش منفذ بيع
واللى يقولك روحى معرض النساجون الشرقيون جنب صيدناوى قوليله لالالالالالالا غالى نااااااااااااااار فيما عدا لو (ركزو شويه) هتشوفى الدرجه التانيه يعنى خيط مشدود – نقطه صغيره اوى وهكذا…. (مثال) لقيت سجاده رسم بارز محفور تحفه فنيه السجاد من 500 اخدتها 250 عشان فيها خيط من جنب زياده على الرغمممم ان نفس السجاده درجه اولى ف المحل اللى هحكى عليه ده ب275 يعنى النساجون واخدين حقهم وزياده.
تعالى بقى اقولك منين الاسعار الحلوه هناك.
جنب معرض النساجون على نفس الصف هتلاقى محل بيبيع حاجه النساجون باسعار مخفضه وحاجات جمييييييييييييييييييييييييييييييله ووهم وهما ناس محترمه جداااااااا (مثال) اشتريت من هناك سجاد شاجد وده اللى عامل زى الشعر واخترلى انظف الانواع بكام بقى بـ390ج درجه اولى والله والله نفس السجاده ف معرض الشرقيون ب800 ج اشتريت كمان من هناك مشايات الحمام فرووو متوسط بس طبعا لفيت ملقتهوش ف اى مكان ب30ج والمشايات العاديه ب35 عشان ظهرها بيلزق بس هى عاديه والله والله ف معرض النساجون ب 70ج و 60ج
لقيت كمان سجاد جو هن دى الشكل وهى شاج ونوعها مش عارف تحقه والله اخدتها500ج وسعرها اصلا ف المعرض 950ج
لقيت كمان سجاد لأوضه النوم وهم فرو برده شاج كانت ب80ج صغيره مش كبيره وخليته يقسمهالى 2 عشان تبقى جنب السرير من الناحيتين
اسم المحل والعنوان بقى :قصر السجاد (العاشر من رمضان- مركز الحى الاول- بجوار البلتاجى) واللى عاوز التليفون يقولى انا معايا كرت
المحل التانى ده بقى تعدى الشارع الناحيه التانيه وتمشي شويه مكان اسمه الاردنيه وده محل عنده الفرز ال2 وال1 وعنده سجاد شاج وعنده انواع هامبن وحاجات حلوه ومشايات وعنده مشايات شااااااااج لما تحطى ايدك عليه من كتر الفرو متعرفيش تشوفى ايدك ب17 ج وكبيره بس الالوان محدوده لقيت سجاده شاج سودا ساده خليته يقصهالى 2 مشايه كبار و3 صغيرين بكام بقى يالحلوين ب50ج
اسم المحل والعنوان بقى : معرض روضه المدينه (العاشر من رمضان- الاردنيه- امام موقف الاتوبيس) واللى عاوز التليفون يقولى انا معايا كرت
انا كده خلصت واللى عاوز حاجه يقولى…
مىباسم مىباسم 681603_1.gif فتكات حبوبة Fatakat 681603 القاهره – مصر