السلام عليكم ورحمة الله وبركاته
حبيباتى
انا ليا اسئلة وياريت كل اللى سمعت أو مرت باللى هحكيه تفدنى
واللى متعرفش متبخلش عليا بدعوة حلوة ان ربنا يرزقنى بالذرية الصالحة
اولا انا اتجوزت من 8 شهور وحصل حمل من اول الجواز
بس نزل بعد شهرين بالظبط والحمدلله
ومحصلش حمل بعدها
الدورة منتظمة بس بقت كل 32 يوم تقريبا
وانا علشان من اسكندرية واتجوزت فى العاشر من رمضان وملقتش فيها اى دكتورة كويسة نهاااااائى
فبقيت كل ما انزل اسكندرية لاهلى اتابع مع دكتورتى اللى متابعة معاها من قبل الجواز
(معلش انا بتكلم كتير بس بفضفض من زهقى استحملونى بقى اول مرة اكتب فى القسم هنا )
المهم انا كنت باخد دوفاستون قبل الجواز 3 دورات من اليوم ال16 لمدة عشر ايام
والحمدلله بعد اخر استخدام مجتش الدورة وحملت
ومن شهرين بقى الدكتورة قاللتى اخدته 3 دورات تانى
اخدته مرة وجت الدورة بعد اخر حباية ب8 ايام
والمرة دى النهاردة اليوم ال12 من اخر حباية ومجتش الدورة وطبعا الدكتورة قالتلى انا واخواتى
اذا اتأخرت عشر ايام بعد الوفاستون نحلل حمل وفعلا اختى حصل معاها حمل كده ما شاء الله
انا بقى اتاخرت على الرغم من ان قبل معاد الدورة ب10 ايام جاتلى كل اعراضها ومغص يروح ويجى لدرجة انى شكيت انه حمل
وابحث على النت والحورات اللى انتم عارفينها دى
والدورة نفسها اتأخر معادها 6 ايام وحللت فى البيت وطلع سالب
روحت لدكتورة النهاردة غير دكتورتى لان دكتورى مسافرة حاليا وانا تعبانة جدا مش قادرة استنى
روحت لدكتورة اول مرة اروحلها وكشفت وقالتلى فى الاخر
–
–
ان الرحم كويس بس فى بويضة مركونة وهى اللى معطلة الدورة
بصراحة عمرى ما سمعت عن الموضوع ده
وكتبتلى دواء اسمه ستيرونات 3 مرات لمدة 5 ايام وقالتلى هتنزل بعدها الدورة
سؤالى بقى يا بنات علشان انا عمرى لا سمعت ولا شفت ولا اخدت حاجة علشان الدورة تنزل
مين جرب الدواء ده؟؟
وعمل معاه ايه؟؟
وحد سممع عن البويضة المركونة دى ؟؟
وسبب ركنة سيادتها ايه ؟؟
وجزاكم الله خيرا
يا حبيباتى
مشتاقة اليك ربى مشتاقة اليك ربى 53453_3.gif فتكات رائعة Fatakat 53453 عروس البحر الابيض – مصر