ازيكم يا فتوكاتى الحلوين يارب تكونوا بخير و فى صحة و هنا
النهاردة حانكمل ساندويتشات الحفلات بس ممكن كمان تعمليها لجوزك بالليل فى سهرة حلوة او لخطيبك لما تدلعيه
انا حاوريكم انتم محتاجين ايه للساندويتشات دى و بعدين نعملهم واحد واحد
عيش توست / عيش مدور زى السميط / عيش بيتى بان / عيش شيباتا [ موجود فى كارفور ] ممكن عيش فينو عادى
سوسيس / فراخ فيليه بانيه صوابع [ انا جبت الجاهزة ] / جبنة مربعات بتاعة الهامبرجر / فلفل الوان / جرجير / عيدان بقدونس او شبت دبلانة شوية علشان تبقى طريه
كاتشب / مسطردة / مايونيز / تونة [ دى ليها خلطة حاوريهالكم ] / بيض سمان [ لو متوفر ] / لانشون / جبنة شيدر
خلطة التونة :
كاتشب / مسطردة / هوت صوص / فلفل الوان / ليمون و فلفل مخللين / عصير ليمون / ملح و فلفل / بصل اخضر / جزر مبشور / مايونيز
نعمل اول ساندويتش :
بناخد خلطة التونة و نقلبها مع التونة بعد ما نصفيها من الزيت
ده شكلها فى الاخر
و بعدين بنجيب عيش الشيباتا و نفتحه كده [ ممكن الفينو العادى ]
و نحشيه خلطة التونة و نحط عليه جرجير
الساندويتش التانى :
بنجيب العيش التوست و نقطع حروفه
و ندهنه كاتشب او مايونيز او مسطردة زى ماتحبى
و نحط عليها واحدة جبنة من بتاعة الهمبورجر
و نحط عليها واحدة سوسيس او صباع فيليه فراخ بانيه و نلفها
و نربط عليها بعود شبت او بقدونس
او نمسكها بخلة اسنان و نشبك معاها شرايح فلفل الوان
و نقدمه كده فى الحفلات ده بالسوسيس
تقييم الموضوع 
مواضيع هذا القسم برعاية
شاي ساده شاي ساده 849519_1.gif فتكات ست الكل Fatakat 849519 القاهرة – مصر