السلام عليكم ورحمه الله وبركاته
ازيكم يا ماميز يا حلوين ويا حوامل يا مقطقطين عملين ايه في الحمل
ربنا ييسرلنا حملنا كلنا ويقومنا بالسلامه احنا والبيبي يارب
انا حامل في اول اسبوع في التاسع دلوقتي
وانا في نص الثامن طلب مني الدكتور تحليل هيموجلوبين وسكر وبول
وطلع عندي الهيموجلوبين 9.5
والسكر 88
والبول في صديد ومجري البول ملتهب
راح كاتبلي للهيموجلوبين محلول فروساك اعلقه 3 اسابيع في كل اسبوع مرة وفي كل مرة 2 امبوله في المحلول
وكتبلي علي حديد فرافيرو وكبسولات تانيه حديد واخدتهم واهتميت بأكلي اوي كنت بشرب عصير قصب كتير وكبده وبنجر وتفاح وموز وبتنجان وكل يوم الصبح 3 معالق عسل اسمر علي الريق لما كنت بتنطط من الحموضه
دلوقتي والدكتور طلب مني صورة دم شامله وانا في اول اسبوع في التاسع اللي هي التحاليل اللي قبل الولاده
عملتها ودكتور المعمل قالي كل التحاليل كويسه ما عادا المفاجأه ان في انيميا
Hemoglobin 9.0
Haematocrit 27%
وفي صفحه تانيه مكتوب فيها
Glycated Haemoglobin 5.2%
يعني بعد المحاليل ديه كلها والادوية والاكل النسبه تقل مش تزيد طب ازاي حلوهالي بقة
وطبعا تحاليل تانيه كتير 5 صفحات وطبعا مش فاهمه حاجة منها دكتور المعمل قالي كله كويس ما عادا الهيموجلوبين
ومعادي مع الدكتور بكرة واتصلت بيه قولتله يمكن المعمل غلط في النتيجه اعيد التحليل تاني قبل ما اجيلك بكرة قالي لا مش تعيديه
انا دلوقتي مش عارفه ازاي النسبه قليله كده رغم اني عملت كل اللي الدكتور قالي عليه
وياتري كده حيعمل معايا ايه تاني حيكتبلي علي محاليل تاني انا اتهريت ابر والاورده عندي اتبهدلت خالص
ولا حينقلي دم ولا ايه بالضبط والله انا عماله اعيط ومش عارفه اعمل ايه وخايفه جدااااااااااااااااااااااااااااااااااااا
وياتري الانيميا ديه بتأثر علي البيبي ولا بتأثر فيا انا بس ؟؟؟
ياريت تطمنوني بالله عليكم وتفهموني
وربنا يرزق كل مشتاقه يارب بالذريه الصالحه اللهم امين
(التاجره) طمعانه في كرمك يارب (التاجره) طمعانه في كرمك يارب 144527_45.gif ملكة فتكات Fatakat 144527 قلب كبير بيحبني في عالــــــم ملـــئ بالشـــــر والكـــره والحقـــد – اسكندريه حبيبتى