السلام عليكم
ازيكم يا فتوكات
مش هطول عليكم كتير
انا متزوجة من 6 سنين ومحصلش ليا حمل ولا مرة انا كان عندى تكيسات وزوجي كانت الحيوانات المنوية عنده ضعيفة
عملت اشعة بالصبغه ومنظار من حوالى سنتين عند احمد بدوى فى المنصورة والانابيب كويسة الحمد لله بس ما حصلش حمل
زوجي بعدها بسنة عمل عملية الدوالى والحيوانات المنوية الى حد ما اتحسنت بس برده ما حصلش حمل ومن يومها ما روحناش ولا تابعنا عند اى دكاترة
بفكر اليومين دول انى استعين بالله واعمل حقن مجهرى
بس محتارة جدا اعمله فين
الدكاترة كتتتتتييييييير والمراكز كتيييييير وانا مش عارفة مين احسن
مخبيش عليكوا احنا امكانيتنا على القد ومش عاوزة اروح لحد يطلع استغلالى من اللى بيلعبوا بأمال الناس واحلامهم
نفسي اروح عند حد يكون بيتقي الله ومش مستغل
كمان انا عندى زيادة فى الوزن هل الزياده دى ممكن تأثر على نجاح الحقن المجهرى؟
ياريت يا فتوكات تساعدونى انا بجد محتارة وخلاص المفروض انى ابدأ ف اجراءات الموضوع ده قريبا ولحد دلوقتي مش عارفه اروح لمين
لو اى حد جرب دكتور كويس يقول ولو حد جرب دكتور وطلع مش كويس ياريت برده يحذرنى
وهل يا ترى فيه حد ثقة فى المنصورة بيعمل الحقن؟ لان المنصورة قريبة ليا
والتكلفة كام بالضبط
ربنا يبارك فيكو وما يحرمناش جميعا من نعمه الذرية الصالحة
اللهم ارزقنى الاخلاص اللهم ارزقنى الاخلاص فتكات متميزة Fatakat 470498 ميت غمر – مصر
سبحان الله و بحمده