السلام عليكم يا فتوكات يارب كلكم تكونوا كويسين والحوامل ربنا يتمم حملهم على خير ويرزقهم بجنين سليم معافى ان شاء الله ويرزق كل واحده لسه ماحملتش
انا عندى مشكله قلقانى قوى قلت ادخل اسالكم يمكن حد سمع او حصل له كده يفيدنى
انا حامل فى اول السادس وده سادس حمل ليا لانى كان بيحصل لى اجهاض متكرر قبل كده بس الحمد لله عندى ابن من حملى الرابع ربنا يخليهولى ويبارك لى فيه
المهم انا فى الاسبوع ال19 عملت سونار رباعى عشان اكشف على البيبى لان كان عندى سكر فى اول الحمل ومااكتشفتوش غير فى الاسبوع ال13 من الحمل هو مش عالى قوى 170 والدكتور قال لى ان الخطر لما يبقى اكتر من 200 المهم رحت عملت السونار الدكتورة قالت لى ان الجنين ولد مع ان دكتورى كان قايل بنت وانها شايف البطين الايمن اصغر من الايسر ومش شايفه الشريان الرئوى فلازم نعيد التشخيص بعديها باسبوعين رحت تانى قالت لى فعلا القلب فيه عيب ودى حاله خطيرة لازم لها عملية كبيرة ومعقده بعد الولاده ونسبة نجاحها ضغيرة وغالبا بيفضل اننا نعمل اجهاض لان الحاله دى غالبا مابتكملش والجنين مابيستحملش العمليه انا حمدت ربنا وقلت لو الدكتور بتاعى قال لى اعمل اجهاض هاستخير ربنا واعمله كلمته قال لى فعلا الحاله دى خطيرة جدا بس لازم نتاكد من صحه التشخيص وقال اعيد السونار فى مركز تانى رحت الدكتور بتاع السونار ماقلتلوش انى عملت قبل كده كشف على الجنين وقال لى انها بنت وكويس جدا قلت له طيب والقلب قال لى كويس جدا مافيهوش حاجه وسليم خدت التقارير ورحت للدكتور بتاعى اقل لى انه على السونار بتاعه شايف انها بنت وشايف القلب سليم بس احنا محتاجين راى تالت يفصل فى الموضوع وقال لى على دكتورة قلب اطفال واجنه رحت لها قالت لى انتى الرؤيه عندك صعبه جدا بس التشخيص الاول هو اللى صح والقلب فعلا فى عيب وانها مش شايفه الشريان الرئوى والبطين الايمن صغير بس قالت لى ان العمليه بتتعمل عادى فى مصر ونسبة نجاحها 70 % لو اتعملت بعد الولاده وتزيد ل 90 % لو اتعملت بعد السنه الاولى على حسب حالة الجنين وبعديه بيبقى طفل طبيعى وممكن خلال شهور الحمل المتبقيه يكمل القلب كل شئ فى ايد ربنا وربنا كبير بس لازم اشوفك تانى بعد 4 اسابيع عشان نشوف حالة الشريان الرئوى
انا راسلت مركز مجدى يعقوب وقالولى ان ممكن التشخيص يختلف بعد الولاده ويبقى طفل طبيعى
المهم بقى انا طولت عليكو فى التفاصيل بس انا عايزة افضفض معاكو واستشيركو انا مش ناوية اروح لها تانى لانى مش عايزة انزل وقررت انى اتوكل على الله واكمل الحمل يمكن التشخيص يكون غلط ماهى الى خلى الدكتورة تغلط فى تحديد الجنس ودى اسهل حاجه ممكن تكون مش شايفه كويس وغلطت فى دى وممكن ربنا يكرمنى ويتم نموه وهاروح قبل الولاده ان شاء الله باسبوعين لمركز اسعه تانى خالص ومش هاقول لهم حاجه واشوف التشخيص هيقول ايه
ايه رايكم بقى وعايزه منكم طلب صغنون كده دعوه حلوه ان ربنا يتمم لى حمل على خير ويرزقنى بيه طفله سليمه تامه الخلق والخلق ويتم نموه
roby_ahmed roby_ahmed 731267_4.gif فتكات متميزة Fatakat 731267 cairo – Egypt
سبحان الله و بحمده