السلام عليكم ورحمة الله و بركاته
وانا بقلب في فتكات لقيت فتوكة عملة موضوع فحبيت أقرأة بس فيه حاجة غريبة مش فهماها
هعملكم نسخ للكلام
و بالله عليكم فيدوني هو ده ايه علشان انا مش بستعمل حاجة بعد البيريود مش فهمة كل اللي بعمله بستحمى تطهر و بس
المشاركة الأصلية كتبت بواسطة eng.noor 
مش كنت اعرف ان بعد البيريود لازم تنضيفات و حاجات كده انا بتطهر بالمسك و كده زي ما كنت بنت لقيته من كام شهر بيسالني بيقولي انا نسيت اجبلك كزا اللي بعد البيريود قلتله ايه دول اصلا بيقولي ده عشان بعد كده مش يحصلك انفكشن او حاجة و لقيته بيحكي و فاهم كل حاجة و فاهم كمان وصفات عربية كده بيستعملوها البنات لان بعد كده فتحت النت لقيت فعلا الحاجات دي موجودة تيب هو عرف ازاي!! و بيقولي كل صحابه عارفين
رحنا باه الصيدلية قلت هقول للدكتورة بيني و بينها و قلتله ابوس رجلك خليك واقف بعيد دخلت و لقيته بردو لازق في ضهري و اكلم الدكتورة بصوت واطي ده يعلي صوته و يقولها اديها احسن حاجة هي معندهاش مشاكل بس احنا متجوزين و بيتهالي اي مدام لازم تنضيفات و يالهوي عاللي حصلي قمت معيطة و صعبت اوي عالدكتورة و قالتله تيب بالراحة عليها شكلها لسه صغيرة و بتخاف و بتتكسف لا و الكارثة يقولها علميها تعملهم ازاي و لما رجعنا البيت يقولي اساعدك تعمليهم قلتله يا شيخ سبني في حالي باه…
تاني شهر باه وعدني ان مش هيدخل معايا عند الدكتورة رحنا فلقينا دكتور قلت هيحترم نفسه و ياخدني و نمشي
لقيت الدكتور بيقوله اتفضل لقيته بيقولي قوليله يلا بصتله كده و فتحت عنيا عالاخر بقيت شبه ماروكو بالزبط و سكت حسيت لساني اتقطع بيقولي يا بنتي قولي للدكتور لا حياء في الدين قلت في بالي لا حياء في الدين ايه علاقته بالموقف ده مفروض لا حياء في العلم و فضلت ساكتة مش عارفة اعمل ايه قام هو بصوته الجميل قايل للدكتور عايز كزا بتاع البيريود و الدكتور يساله في جل و في كبسولات و التاني يرد بكل بجاحة يقوله لالا هات الجل اصل التاني مش بتعرف تعمله و انا تقدرو تقولو انكمشت في مكاني و اتمنيت اختفي من عالارض
أرجوكم اللي فهمت هو ايه الجل او الكبسولات و بيتعمل بيها ايه و لإيه بالظبط تفيدني بارك الله فيكم
فاشون بنات فريش فاشون بنات فريش 640691_5.gif فتكات ست الكل Fatakat 640691 بيت زوجي – مصر