ازيكم يابنات عاملين اية
انا روحت بى تك اتفرج ع الاجهزة عشان طبعا زى معظم البنات هنا مش عارفة لسه استقر على انواع الاجهزة اللى هاجيبها
بس اللى مستقرة عليه نوعا ما هو بوتاجاز كريازى القديم 5 شعلة وكان هناك ب2700 جنية
الراجل اللى موجود هناك كان زوق اوى بصراحة وصبر معايا جدا بس طبعا قاللى على احلى انواع بس كانت غالية عليا اووووووووووى قاللى على البوتاجاز اجيب اريستون وكمان التلاجة قاللى مافيش احلى من دايو وهى فعلا روعة وعند خالتى من سنين وتحفة بس فى حدود5000 جنية وسالته على زانوسى عمتا فى التلاجات والغسالات والمكانس والميكرويف مشكرش فيه اوى او يعنى مارجحهوش ليا مع انى كنت مستقرة اجيبهم فى التلاجة والغسالة وكانوا الاتنين عاملين حوالى 6300 الغسالة 7 كيلو والتلاجة14 قدم بس واسعة اووووووووى وحلوة شكلها اوى بس خوفت من الماركة كلها لانى لاقيت بنات هنا كتير حذروا منها بس لاقيته بيقولى خدى غسالة سامسونج وانتى مغمضة ال7 كيلو كانت ب3100 السيلفر وشكلها فعلا حلو وفى الاخر قولت هاستقر بينها وبين ال ال جى وياريت اللى جربت السامسونج تقولنا
والتلاجة طبعا لحد دلوقتى مش عارفة اجيب اية ال جى ضيقة اوى ولو جبت قدم كبير هاتبقى غالية اوى فاصرفت نظر عنها وكمان الوايت ويل ماحدش استعملها كتير ولسه ماعرفش راى اللى استخدمها فيها بعد مدة طويلة من الاستخدام وتوشيبا يابنات عند ماما وسيئة اوووووووووووى واتعقدت منها جدااااا وبفكر اشوف تلاجات السامسونج اكيد هتكون حلوة وشوفت منها كام واحدة تحفة بجد بس غاليين موووووووووت بس لسه ماعرفش ال14 قدم بكام
والميكرويف الراجل قاللى احسن نوع الدايو وفعلا انا حاساه كويس وفيه زانوسى وال جى وشارب وطبعا الشارب كويس جدا برضه وانا حابة اجيبه اللى بيسخن وبس ولو بس فيه شواية ممكن لكن افضل اللى بيسخن بس لانى لا هحتاج الفرن ولا الشواية لانهم فى فرن البوتاجاز وطبعا استقريت على الميكرويف بعد معاناة فى التفكير بينه وبين الفرن الكهربا بس انا جربت الفرن الكهربا مثلا فى تسخيين الحاجة الساقعه بينشفها ومش بيسخنها ابدا زى الميكرويف بيطلع الاكل اكنه لسه مطبوخ وطبعا بااذن الله هاجيبه فوق30 لتر
والمكواة ورانى مكواة فيليبس وقالى انها كويسة اوى وانا بدور على الباناسونيك اليابانى
وبالنسبة للمكنسة قالى برضه على ال جى وسامسونج وانا نفسى اجيب الباناسونيك بس قاللى ماعنتش هلاقى اليابانى واللى موجود ماليزى وانا بالنسبالى اهم حاجة فى المكنسة ان الوات يكون عالى وخلاص وفيه برضه التوشيبا بس عيبها انها حجمها كبير اووووووووووى
والتليفزيون طبعا السامسونج لا يعلى عليه عندنا من سنين مااشاء الله حمول وبيعيش وال جى برضه كويس اوى ونقاء صورته جميل وفيه التوشيبا كويس بس شايفة ان السامسونج افضل
وعايزة اقولكم على ماركة مينتا اللى نازلة جديدة وخد توكيلها البورى اللى فى بورسعيد بعد ماكان واخد توكيل مولينكس انا شفت الخلاط ومضرب البيض والمفرمة بتاعته حلو اوووى يابنات وموتوره حلو ونازل جديد فهايكون صناعته طبعا لسه بجودتها وبيحاولوا يكسبوا سمعة وسط الماركات واللى ماجبتش لسه الكيتشين ماشيين هاتى ميانتا انا جبته الخلاط العادى وجبت الكيتشين مولينكس
ياريت كل بنوتة عندها معلومة تفيدنا فى موضوع الاجهزة دة تدخل ونتناقش فيها وتقولنا على خبرتها فى اللف والمعاناااااااااة اللى بنشوفها عشان نستقر على اى جهاز
rere_angel rere_angel 668287_3.gif فتكات نشيطة Fatakat 668287 المنصورة – مصر