ازيكم يافتوكات وحشتوني اوووووووووووووي
انا النهاردة عملتلكم اطعم فراخ بجد طبعا كلنا زهقنا من فراخ مسلوقة او محمرة او في صنية بطاطس او بانية ….الخ
النهاردة هعملكم طريقة جديدة وتحفة وتحدي انا رغيت كتير اوي يلا يافتوكات قدامي ع المطبخ
نقول المقادير
طبعا فرخة حلوة ومقلوزة ومتقطعة 8 قطع
كوبين من شوربة الدجاج او اللحم المتوفر عندنا
بصلة مقطعة شرائح
نص حزمة بقدونس اخضر مفروم خشن
نص حزمة كزبرة خضرة مفرومة خشن
حبتين بصل اخضر مقطغ صغير
معلقة كبيرة توم مفروم ناعم
علبة مشروم معلبة ومصفاة
كوب كريمة لباني
معلقتين كبار صلصة طماطم
زيت زيتون
التوابل ( معلقة صغيرة من كل ـ كزبرة ـ جنزبيل ـ فلفل اسود ـ كاري ـ ملح ـ كركم ـ بهارات ـ بابريكا ـشطة (اختياري ) ـ قرفة ـ ريحان مطحون ناشف ـ ورق لورا حوالي 5 ورقات كبار )
طبعا هنحط الزيت في الحلة ونحط البصل المتقطع شرائح ونقلبهم لحد متدبل البصلة شوية
بعدين نحط التوابل ونحمصهم دقيقتن وبعدها نحط التوم والبصل الاخضر
بعدين نحط الفراخ ونقلبهم مع الخليط السابق ونسبها تتحمر شوية معاهم قد 5 دقائق
بعد متتحمر نخلط الصلصة بالكريمة ونحطهم علي الفراخ
وطبعا اول متغلي نخط الكزبرة والبقدونس والمشروم والشوربة ونقلبهم كويس ونسبهم ع نار هادية تستوي وطبعا نظبط الملح حسب رغبتنا
وبعد متستوي نقدمها بالشكل ده وبجد الذ فراخ بجد مش قادرة اوصفلكم طعمها هايل قد ايه وبالف هنا ودي طبعا لما قدمناها
وبالف هنا متنسوش التقييم ودعوة حلوة ان ربنا يعوض عليا واحمل ان شاء الله
في امان الله يافتوكاتي
مواضيع هذا القسم برعاية
ميتسي واحمد ميتسي واحمد 84348_16.gif فتكات هايلة Fatakat 84348 القاهرة – مصر