السلام عليكم ورحمة الله وبركاته ع احلى فتوكات فى الدنيا كلهااااااااااااا
نبدء كلامنا بالصلاة والسلام ع اشرف المرسلين سيدنا ومولانا محمد خير الخلق اجمعين
الحمد لله بعد النجاح الساحق للجزء الاول من موضوعى وبناءا ع رغبة الفتوكات هعمل جزء تانى ويمكن تالت ان شاء الله
الجزء ده هكمل فيه باقى رفايع المطبخ المفيده والغير مفيده من وجهة نظرى وكمان هكتب اكتر التعليقات اللى جاتلى من الفتوكات ع موضوعى اللى فات …. متنسوش التقييم وادعوا لمصر وادعولى ان ربنا يتمملى ع خير ياااااااااااااااااااارب
1/ دى قطاعة البيض فى فتوكات كتير قالت انها بتنفع وانها مش اختراع فاشل وكل واحد ورايه بقى هى عامة بيتراوح سعرها من 5 : 10 جنيه حسب النوع
2/ دى عصارة البرتقال وفى منها عصارة الليمون بتبقى اصغر شويه بس لو عندك ف الكيتشن ماشين عصارة موالح مش هتحتاجيها وهى بتعمل 5 : 7 جنى
3/ ده شفشق للتلاجه وطبعا هنجيب الازاز بلاش البلاستيك ابوس ايديكم لانه بيعمل ريحه وحشه ووحش جداااااااااا انا جايبه زى اللى ف الصوره ده بالظبط ب 15 جنى
4/ دى بقى صينيه للتقديم بلاستيك انا جايبه الصغيره بتاعتها ب 13 جنى قولت تنفع لاى حاجه خاصة ان عندى واحده للتقديم صناعه اسبانى جيباها من زهران سموحه من سنه ونص ب 450 جنى محدش يتخض بس انا جيبتها اول ما اتقرت فاتحتى ومكنتش اعرف الاسعار ومكنتش لسه سجلت ف المدونة كمان ولا كنت بسال ولا ادور وطبعا هخليها للتقديم للضيوف واهلى جوزى كنوع من انواع الفشخره
5/ مقص المطبخ مفيد جدااااااااااااااا ومحدش يستغنى عنده انا جايباه من سنه كده بحوالى 10 جنى
6/ مسدس الشمع بينفع ف البيت جدااااااااااااا جيبته ب 20 جنى
7/ دى قله خطيبى جابهالى لما زنيت عليه ( قلة حبنا ) تقريبا كده ب 5 او 4 جنى بس الحجه طبقتها منى وبتشرب منها ع طول وطبعا افيد ميه بتبقى مية القله لان الفخار اكبر منقى للميه من الشوائب بس اللى مش بتحبها ولا تبصلها حتى دى اختيارى
8/ السباتولا دى مفيده جدااااااااااااااا ورخيصه فى منها انواع من 2.5 : 5
9/ البرام الفخار فى منه انواع واشكال انا هجيب منه اتنين كبار و4 صغيرين بينفع ف الباميه وام على والرز المعمر اسعاره مش غاليه اوى تقريبا بتتراوح من 5 : 20 حسب الحجم
10/ شمعدان للمطبخ عشان تحطى فيه الشمع لما النور يقطع والشمعدان اشكاله كتير والوانه واسعاره بتبدء من 15تقريبا لحد 30 جنى يبقى معقول اوووووووووى كده بلاش الغالى لانه ف النهايه بيتحط ف المطبخ
11/ طبعا الشمع متنسيهوش لانه بقى مهم جداااااااااااااا انا بجيب الكيس فيه 10 شمعات من فتح الله ب 3 جنى تقريبا
12/ ساعه للمطبخ شيك وبنت ناس انا جيبت واحده من زهران برضو كانت ب 65 بس هتلاقوا ارخص ف كل مكان
13/ دى بقى حبيبتى حبيبتى حبيبتى حبيبتى حبيبتى 5 حبيبتى ف الصيف دى مروحه صغيره للمطبخ تهون علينا حر الصيف بس حاولى تعلقيها ومتبقىش مباشره للبوتجاز لانها ممكن تطفى النار بتاعته الحاجه جبتهالى ب 100 جنى بس شكلنا اتخمينا فيها
14/ مريلة المطبخ طبعااااااااا والاشكال الجديده اللى طالعه روووووووووووووووووووعه وبتتراوح من 30 : 40 تقريبا
15/ الصينيه اللى بتتفتح من الجنب مفيده جدااااا برضو للى غاويه حلويات شوفتها ف فتح الله ب 55 تقريبا بس لسه مقررتش اشتريها ولا لا
وصينية الكاب كيك برضو للى غاويه حلويات بتنفع جداااااااااااا ف فتح الله ب 45 ع ما اتذكر بس انا قولت اشتريها من الاهرام ارخص واحسن لما ابقى اروح ان شاء الله
16/ مانع فوران اللبن طبعا مهمه جداااااااااااااا ومتهيالى ب 5 او 10 جنى مش فاكره اوى
17/ فتاخة التونه والعلب ب 10 جنى
18/ اشكال البيض هى مش ضروريه طبعا بس اللى تحب التجديد ب 2.5 الشكل
smsmalolo90 smsmalolo90 746592_5.gif فتكات ست الكل Fatakat 746592 الاسكندريه مع حبيب عمرى وجوزى ان شاء الله احمد – مصر ام الدنيا