من غير رغي كتير ندخل على الطريقة
هنجيب السمان وننقعه في لمون وملح وفلفل اسود وخل وقرفة عشان الزفارة ودي صورته
وبعد كدة هنتبله ببصل مفروم وملح وفلفل اسود ونحشيه بيه ونحمره في زبدة ودي صورته
ودي صورته في التحمير وبعد ما حمرته
وبعد كدة نسلقه في مية وبصلة صحيحة وملح وفلفل اسود وورق لوري وحبهان نص ساعة وبعد كدة نحط الرز المغسول في صنية وفوقه السمان المتحمر والمسلوق وفوق رز تاني ولتر لبن وملح وفلفل اسود ومعلقة زبدة ويدخل الفرن عالي في الرف الاوسط لمدة ساعة واما وشه يتحمر ندهنه بقشطة ودي صورته بعد ما خلص
نيجي للبسلة هنجيب بصلة مفرومة ونشوحها في زبدة وملح وفلفل اسود وننزل عليها بعصير الطماطم وعلبة صلصة صغيرة وننزل بالبسلة والجزر واللحمة نكون سالقينها نص سلقة وننزلها معاهم يتسبكوا ودي صورتها
والشوربة بنغلي مية ونحط فيها اللحمة المغسولة والمواسير وبصلة وملح وفلفل اسود وحبهان وورق لوري ونسيبهم براحتهم على نار عالية لمدة ساعة ونص ودي صورتها وصورة اجماعية للاكل
وادي صورة الرز والبسلة والشوربة والمواسير بعد ما اتغرفوا تحفة بجد
واكيد طبعا مستنية تقييم ودعوة حلوة وردودكم الجميلة اللي بتسعدني
صمت الكلام مواضيع هذا القسم برعاية
صمت الكلام 2024 صمت الكلام 2024 فتكات نشيطة Fatakat 723273 الاسكندرية – الامارات
سبحان الله و بحمده