انا النهرده عامله رز ف البرام الفلاحى او الوعايه المهم هقولكم ع الطريقه
بنجيب كيلو رز للوعايه الوسطانيه بتاخد كيلو ونغسله حلو لما تلاقى ميته شفافه ونغسل الوعايه او زى عندكم الطاجن بس بتاعنا عامل زى الصنيه اللى بنعمل فيها بطاطس والصوانى تنفع على فكره نرجع لمرجوعنا نغسلها ونحط ف القاع زبده وزيت ونحط الرز مصفى وعليه شوية ملح وكيلو لبن وطبعا اللى عندها فرن غاز بيسهل والبوتاجاز كويس بس الافضل تغلى اللبن للبوتاجاز عشان يغلى بسرعه وتحطى الوعايه ف الفرن ونزود شويه ميه لحد الحرف كده وساعة ماتيجى تغلى توطى النار ولما تحسى انها ختمت الرز مع اللبن تبصى كده الوش احمر وايه الريحه حلوه تمام تجيبى معلقه بالبوز وتنزليها لقعر الوعايه تشوفى الرز من جوه تطلعى حبيتين من قلب الوعايه لو طايب يبقى تمام شغلانه سهله والله وجميل والله
طبعا معاه لحمه او طبيخ اى حاجه تفضليها او بيض مسلوق زى ما تحبى مع السلطه كمان وان شاء الله هبقى اصور الطريقه وانزله اوك وبالهنا والشفا مواضيع هذا القسم برعاية
كوكو011 كوكو011 214111_3.gif فتكات هايلة Fatakat 214111 القاهره – مصر
سبحان الله و بحمده