عاملين ايه يا فتوكات يارب تكونو بالف خير
عملت من كام يوم رز بالجمبرى وجمبرى صورتهم وجيت جرى علشان تشوفو معايا
نشوف الطبق الاول
يارب يكون عجبكو
اول حاجه هنعمل الرز
الزيت فى الحله وعليه بصلايه صغيره انا عامله حوالى مج رز
قبل ما البصله تصفر ننزل بالجمبرى انا الجمبرى اللى عندى كان كبير قطعته
نشوح الجمبرى مع البصله نسيبه حوالى 10 دقايق مع البصله
بعد كده ننزل بالرز والملح والفلفل ونزود المايه
واول ما يغلى وتبدء المايه تنشف نهدى النار
هنا هنعمل الجمبرى نقطع طماطم و بصل وفلفل اخضر ولمون نقطعهم طرنشات
ومعاهم الجمبرى ونزود حوالى نص كوب ماء ونحط الملح والفلفل والكمون
ونولع عليهم البوتجاز ونسيبهم يغلو مع بعض بس اول ما يغلو نهدى النار
هنا انا قشرت الجمبرى وغسلته طبعا ومن غير ما اتبل ولا حاجه ضيفت الجمبرى على البقسماط المطحون وسيبته شويه يمسك فى البقسماط ونزلت بيه فى الزيت
هنا فى الزيت كان تححححححححححححححفه
وعملت كمان كفته جمبرى قطعت الجمبرى حتت لانه كان كبير وضفت بصلايه صغننه وفص توم وملح وفلفل وعود خضرا واحد وضربت فى الكبه
وشكلت الكفته بقطاعات البسكويت
وتبلتهم بالبقسماط المطحون
وحمرتهم فى الزيت
كنت بعمل الكفته والجمبرى المقشر وعاوزه بقسماط ومش عندى وولادى كانو فى التمرين
وما فيش حد عندى يجبلى بقسماط من السوبر ماركت اتصرفت عملت ايه
كان عندى بقسماط من ده فرمته فى الكبه وضيفت عليه البهارات
وباه بالشكل ده بعد ما طحنته وضفت البهارات
وادى الشكل النهائى يارب يعجبكو
اللى على اليمين الجمبرى اللى بقشرهو ع الشمال الجمبرى بالبقسماط
واللى ورا خالص دى كفته الجمبرى
يارب موضوعى يعجبكو
فى امان الله
مواضيع هذا القسم برعاية
azza_99 azza_99 248965_5.gif فتكات ست الكل Fatakat 248965 حضن جوزى حبيبى وولادى حبايبى – بيتنا الجميل