اهلا اهلا اهلا
النهاردة اتغدينا فرااااااااااااااااااااااخ بالسماق فى الفرن و معاها رز معمر
الاول تتبيلة الفرخة
بصلة كبيرة
ملح
فلفل مطحون مع حبهان
بهارات
قرفة
جنزبيل بودر
جوزة الطيب
عصير ليمونة
و يتضربو كلهم فى الكبة كويس و بعدين يتضاف ليهم السماق حبة حلوين كدة و شوية مية علشان السماق هايشرب مية التتبيلة و بعدين نجيب الفرخة و نعملها مساج كدة بالتتبيلة و نعمل فتحات بالسكينة فى الصدر و الورك و نحشيها بالتتبيلة و تحت الجلد
و دة شكلها بعد المساج لازم ندلعها قبل ما ناكلها ههههههههههههه
طبعا انا بحب اتبلها قبلها بيوم بليل و بعد كام ساعة كدة نقلبها علشان الجلد ياخد هو كمان اللون الاحمر من الصوص اللى فى الصينية كدة
و بعدين لما نيجى نسويها نرجع نقلبها تانى كدة
و هايكون دة شكلها بعد ماتستوى ان شاء الله
و بعتذر على انها اتلسعت علشان انا للاسف كنت فاكرة انى طفيت النار و لما جيت تانى اصورها لقيت النار لسة شغالة
و دى صورة كمان
الرز المعمر بقى طبعا كلنا عارفينه
بس لضمان افضل نتيجة انقعى الرز فى اللبن حوالى نص ساعة دة بعد ما يتغسل كويس
و بعدين ضفيله الملح و الزبدة و اغلية على النار فوق قبل ما تدخلية الفرن مش هايعجن و مش هاياخد كمان وقت على مايستوى
و لو هاتعملية فى طاجن زيى يبقى على ماتغلى الرز على النار تحطى الطاجن فاضى يسخن فى الفرن و بعدين تنقلى فية الرز علشان لو الطاجن بارد هايفقد الرز حرارته
و كان الرز كدة
و كدة
ها ايه رأيكو
يا رب يكون عجبكو
و فى الختام احلى سلام
سلااااااااااااااااااااااااااااااااااام مواضيع هذا القسم برعاية
جيجى الرغاية جيجى الرغاية 445317_3.gif فتكات ست الكل Fatakat 445317 عفيف – السعودية
سبحان الله و بحمده