السلام عليكم يا فتوكاتى
زى ما وعدتكم اليكم الفخده الروستو الى غلبتها معايا هههههههههه
زى العنوان كده من مطبخى لمطبخ مامتى ههههههههه
الموضوع ان ماما كانت عزمانا عليها فى العيد
فقالت لى لا اشتريها انتى ووضبهالى وهاتيها معاكى
وفعلا ده الى حصل
اشتريتها وتبلتها عندى واخدتها استوت هناك
هتلاقوا الصور من هنا وهناك
يلا نبدا بسم الله
المقادير للفخده
فخده ضانى حسب الحجم المناسب ده كانت تقريبا 3 كيلو
ملح وفلفل وبهارات
زنجبيل وزعتر وكركم وبابريكا
3 مكعبات مرق لحم
نص كوب خل
2 كوب زبادى
حوالى 15 فص حبهان صحيح
بصلايه
طماطمايه
جزرايه
هنحتاج لفرش الصينيه
بصل وجزر وبطاطس وممكن اى خضار مستحب
الاول ده شكل الفخده قبل اى حاجه
هنعمل شقوق بالسكينه وندخل الحبهان جوه اللحم كده وطبعا هيدى ريحه حلوه للحمه وطعم كمان
هنتبلها بالملح كويس اووى من كل اتجاه
والفلفل برده
هنحط البصل والجزر والطماطم ومكعبات المرق مع الخل والتوابل ونضربهم فى الكبه
هنعمل مساج كويس اووى للفخده من كل جانب
وفى الاخر ندهنها بالزبادى كويس
لغايه هنا من مطبخى هههههههههههه
سبتها فى التلاجه يومين وكل ما تقعد اكتر هتدى نتيجه حلوه وتستوى اسرع ويبقى طعمها احلى
اخدتها بالسلامه لعند ماما
وحان وقت الطهى للمسكينه
قطعت البصل والفلفل والجزر والبطاطس وحطتهم تحتها
وحطيت حوالى 2 كوب مايه وغلفتها كويس اووووووووووووى بالفويل بحيث مفيش بخار يطلع خالص
ودخلتها الفرن حوالى ساعه ونص يكون سخن من قبلها علشان متكشش جامد وبعديها كشفت الفويل وسبيها ييجى ساعه تانيه
وكانت استوت كويس اووى خالص من جوه وبره
عملت معاها ارز بنى بالمكسرات
هتلاقوه على الرابط ده بالتفصيل
اللحمه البارده (روز بيف ) مع الارز البنى واووو من مطبخى بالصور طبعا
وده شكل الاكل فى الاطباق
واعذرونى ملحقتش ازوق ولا ارتب اى حاجه كانوا هياكلونى والله
وده الخضار الى كان تحتها
زوووووووووووووووم
يا رب تكون عجبتكم يا فتوكاتى
وتجربوها ومتنسوش التقييم
وردوكم اهم
وكل سنه وانتو بخير
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى