ازيكوا يا احلى فتوكات فى الدنيااا
انا عملت موضوع عن حجاتى الى جبتها من درب سعاده وفرحتونى جدااا بردودكم ورأيكم
النهارده بقى انا استفدت من موضوع فتكوكه جميله هنا قالت انها راحت الوكاله وجابت الملايات الماتشينج
ومكدبتش خبر كتبت اسانى المحلات الى هى قالت عليهم والاسعار وحددت انا عايزه ايه بالظبط ونزلت
ولما بتعملى كده مبتتعبيش لان حيلك مبيتهدش من كتر اللف فالحمد لله المشوار كان سهل جدا
رحت اول حاجه عند وليم حكيم ده سنتر كبير بيبيع قماش الملايات وهو قريب من الكورنيش (يعنى مدخل الوكاله من ناحيه الكورنيش) فى شارع اسمه عش النخل وانت اسألى علشان توصلى بسهوله
زى ما صاحبه الموضوع الاصلى قالت هو 3 ادوار تحت قطن العامريه وفوقيه تركى وفوقيه ايطالى
الاسعار بقى هحاول اقولكوا التفاصيل بس يارب متتلخبطوش :
الاسعار الى انا خدت بيها العامريه ب 23 المتر و ب 20 المتر حسب عرض القماشه بس الخامه واحده
التركى المتر خدته ب 33
انا اصلا مليش فى الفصال ووجع القلب
جبت 8 ملايات (2 تركى + 2 العامريه الى مترها ب 20 + 4 العامريه الى مترها ب 23)
كلفونى كام بقى (2 تركى ب 314 + 2 العامريه ب 190 + 4 العامريه ب 437)
كله كله ب 941 جنيه من غير التفصيل وبالتفصيل 1020 تقريبا
التفصيل الواحده ب 10 (الاستيك ب 15) بس انا عملت كله عادى لانى قلقت شويه من الاستيك ميعجبنيش شكلها فى الفرش مع انى كنت ناويه عليها
الصور بقى يابنات وقولولى رأيكوا
دول ماتشنج الاول الملايه بعدين المخدات
——————————————-
——————————————
دى تبان مش لايقه بس لما الملايه بتتفرد فيها من لون المخدات
—————————————–
—————————————-
الجايين دول بقى الملايه والمخدات من نفس القماشه لان مش كل القمش ليه ملتشنج ومش كل الماتشنج شكله حلو فى حجات احلى لوحدها من انها تبقى ماتشنج
ودى صوره جماعيه للملايات
بعدين رحت عند بديع بباوى دى جمله جبت الفوط انا كنت عايزه فوط ساده خالص وقطن ولقيت عنده جبت كل الالوان 10 منهم 7 مصرى و 3 تركى بس كلهم قطنهم جميل جدااا الواحده ب 25 ودى صورتهم :
البرانس حلوه عنده جدا وساده بس ملقتش الالوان الى عايزاها فهبقى اروحله تانى ان شاء الله
معلش طولت عليكوا بس كان لازم افيدكوا بتجربتى
يلا بقى مستنيه رأيكوا والى عندها اى سؤال تتفضل
نور التركيه نور التركيه فتكات نشيطة Fatakat 193531 الجيزه – مصر