السلام عليكم اولا
ايوه صح زى ما قريتى كدة مش هكتبلك نظام فطار وغدا وعشا ولا هقولك امشى كل يوم او روحى الجيم وهدى حيلك هناك 3 او 4 مرات ف الاسبوع
ولا فيه براشيم هتبلبعيها او اعشاب هتشتريها او كريمات تدهنيها
وبامر الله كل اسبوع هتخسى 3 كيلو …ايوه 3 كيلو
عايزين تعرفو النظام صح ؟؟
تدفعو كام
خلاص خلاص هقولكم من غير زق بس
النظام ده عرفته من واحد قريبنارياضى جدا ورشيق جدا جدا..تعب والدكتور قاله راحة تامة من هنا ورايح مفيش جرى خالص ولا مشى كتير..ف ابتدى يتخن ومش قادر يتقيد بنظام رجيم
راح لنفس الدكتور قاله انا هقولك على وصفة انا شخصيا ماشى عليها ومريحانى جدا
الوصفة بسيطة جدااااا
كل يوم الصبح كوباية ماية دافية عليها نص ليمونة ونص معلقة صغيرة كمون وتشربيها قبل ما تاكلى وتشربى اى حاجة..بعدها بربع ساعة افطرى واضربى فول وطعمية وبطاطس ومسقعة وشكشوكة واخربيها لحد الساعة 7 بالليل تقفلى بوقك خالص…لا اكل ولا عصاير ولا مشروبات سخنة الا لو هتكون من غير سكر
وقبل ما تنامى بساعة تاخدى كوباية زبادى وعليها نص لمونة….بسسسسس كدة
ومتتوزنيش الا لما يعدى اسبوع ..هتلاقى النتيجة هايلة
البيت كله مشى عالطريقة دى اصلا ومريحانا جداااا وكمان مريحة للمعدة
ممكن طلب بسيط بقى
ممكن لما تجربو الوصفة وتخسو بامر الله..ممكن تدعولى ربنا يصلح بينى وبين زوجى لاننا دايما ف مشاكل
جزاكم الله خيرا يا احلى فتوكات…اللى تجرب تيجى تقولنا كانت كام وبقت كام عشان نشجع بعض
الاميرة شمس الاميرة شمس فتكات حبوبة Fatakat 153835 القاهرة – مصر
سبحان الله و بحمده