اولا السلام عليكم جميعا ورحمة الله وبركاته
رجيم صاروخ و مريح ينقص من 3 الي 4 كيلو بالاسبوع بثبات وانا هبدء فيه من بكره انشاء الله واللى يحب يجرب يتفضل طبعا
اولا نصائح الرجيم ليكي معلقتين سكر في اليوم غير كدة بدائل السكر المعروفة
يسمح بتناول الشاي و القهوة و النسكافية و عصير الليمون و النعنان و الكركدية
و لمحبي الشاي باللبن و النسكافية باللبن ليك في اليوم كوب متوسط من اللبن الخالي الدسم يفضل جدا و ان مش هتقدري لبن عادي مغلي قبل الشرب منة علي الاقل بساعتين و يتشال الوش او يبات في الثلاجة و يتشال الوش منة و تتقسم الكوباية علي مرتين علي مرة واحدة علي المشروبات زي ما تحبي او تتشرب كدة لتعويض الكالسيوم للجسم
طبعا الماية شرب ماية علي قدر ما تقدرو بس مش لحد ما يجيلك مغص طبعا بس يفضل اول متصحي من النوم كوبيتين و ساعتين و كمان كوبيتين كدة علي فترات و قبل الاكل و بعدة حلوة جدا للبشرة و للجسم و بتساعد علي الاحساس بالشبع
مسموح بتناول سفن اب دايت بس مع عدم الافراط و مش كل يوم بس يعني مع صحابك و مش عرفة تشربي اية و هما عمالين يشربو مانجة و حاجات و محتجات انتي علي طول علي السفن اب دايت
الفاكهة كلها مسموحة عدا الموز – البلح- العنب- التين- المانجو طبعا عرفين كلنا
في الرجيم دة مسموح فقط عن الاحساس بالجوع بتناول كوب واحد من السوائل المذكورة في التعلميات و طبعا ميزدش حصتك من اللبن عن كوب متوسط
غير مسموح بتناوزل العصائر المعلبة حتي الخالي منها من السكر كما يقال ولا اللحوم المصنعة ولا الدهون ولا الزيوت
الافطار اليومي
صنف واحد فاكهة بأي كمية
او
2 بيضة مسلوقة + سلطة بدون طماطم
او
2 ملعقة فول + خيار + ربع رغيف
او
قطعة جبنة قريش + سلطة
طبعا دول اربع اختيارات يعني اربع ايام مش لازم الترتيب زي ما انا كتبة بس الاهم نعمل الاربعة و نرجه نعيد في باقي ايام الاسبوع بنفس الترتيب الي بدأنا بية
الغداء اليومي
لحوم او فراخ او اسماك بأي كمية + سلطة طبعا بدون جلد او دهون والسمك يكون مشوي او تونة مغسولة بلمايةمع ليمون
او
2 بيضة مسلوقة + سلطة بدون طماطم
او
قطعة جبنة قريش + سلطة
او
2 علبة زبادي خالي الدسم
مع مراعاة تغير الصنف الي فطرنا بية ميكونش هو الي في الغداء دا مهم جدا و طبعا مريح في الايام علشان متحسوش بملل
العشاء اليومي
نفس الافطار مع مراعاة ان الي فطرتي بية النهاردة مينفعش تتغدي بية او حتي تتعشي بية ضروري جدا التبديل
و النتيجة بجد ملحوظة جدا عن تجربة بأذن الله كلنا نحس بتغير بدون ملل و بثبات و توازن انا مستنية تقلولي مبروك و ادعولي بالثبات و العزيمة و لكم بالمثل و يارب كلنا نوصل للي نحب نشوف نفسنا فية و لاحسن صورة يدخل علي حيتنا ربنا بيها السعادة و البهجة و الثقة بالنفس … مين هيبدأ علشان الاسبوع الجاي نشوف عملنا اية و نغير الرجيم بالجديد الي هخدو وادعولى بقى انجح فى الدايت ده [IMG]file:///C:/Documents%20and%20Settings/Master_pc/My%20Documents/Downloads/%D8%B1%D8%AC%D9%8A%D9%85%20%D8%B5%D8%A7%D8%B1%D9%8 8%D8%AE%20%D9%88%20%D9%85%D8%B1%D9%8A%D8%AD%20%D9% 8A%D9%86%D9%82%D8%B5%20%D9%85%D9%86%203%20%D8%A7%D 9%84%D9%8A%204%20%D9%83%D9%8A%D9%84%D9%88%20%D8%A8 %D8%A7%D9%84%D8%A7%D8%B3%D8%A8%D9%88%D8%B9%20%D8%A 8%D8%AB%D8%A8%D8%A7%D8%AA%20%D8%AA%D8%AC%D8%B1%D8% A8%D8%AA%D9%8A%20%D8%A7%D9%86%D8%A7%20%D9%8A%D9%84 %D8%A7%20%D9%82%D9%88%D9%84%D9%88%D9%84%D9%8A%20%D 9%85%D8%A8%D8%B1%D9%88%D9%83_files/0.gif[/IMG]
2na nony 2na nony 844791_1.gif فتكات نشيطة Fatakat 844791 alex – egy