انا بكتبلكوا وانا منهارة مش عارفة اعمل ايه وعارفة ان مشكلتى بالنسبة لناس تانية حاجة بسيطة بس غصب عنى نفسى ابقى ام بقالى خمس شهور بنام اصحى على الحلم ده ومبيحصلش حاجة بصلى على طول وبدعى وبستغفر ربنا وبقول الحمد لله وانتوا قولتولى مش تحطى موضوع الحمل فى دماغك وهو يجى عشان التوتر بيأخر الحمل بس مش بمزاجى اهلى وحماتى وصحابى والناس كلها بتفكرنى بالموضوع كأنى عاملة عملة انا قبل ما اتجوز لما حد كان بيقولى ايه مفيش حد كده بالرغم انى متجوزة وانا عندى 23 سنة مش كتير يعنى بس الموضوع كان بالنسبة لى عادى عشان كنت برفض على طول ومكنش النصيب لسه جاى هو ليه الناس بتجرح فى بعض كده وبتتدخل فى شئون بعض بالرغم من ان كل واحد عنده اللى يكفيه من المشاكل اخيرا مش هطول عليكوا
انا البيريود بتيجى عندى كل 26 يوم وجاتلى الشهر اللى فات 2-12 يعنى المفروض تجيلى الشهر ده 3-4 يعنى متأخرة 4 ايام جبت تست منزلى فى البيت تطلع مفيش حمل قلت تحليل الدم هو اللى هيبينه رحت انهرده عملت تحليل دم بس عادى مش رقمى وطلع للاسف سالب قعدت اعيط فى الشارع وجوزى بيهدينى ويقولى يمكن الحمل لسه فى الاول عشان كده مابنش بس هو كان بيهدينى ويطمنى وفى نفس الوقت البيريود متأخرة عندى ليه منزلتش ياريت حد يفيدنى ويقولى حد حصله كده يعنى ممكن يكون فيه حمل ولا عندى تهيؤات
DDA DDA 782591_6.gif فتكات متميزة Fatakat 782591 ابو كبير وبس – الشرقية احسن ناس
سبحان الله و بحمده